झापा । भारत पश्चिम बंगालको दलसिंहपारा फुटबल एकेडेमीलाई ३-२ गोलले हराउँदै सलहेस फुटबल क्लब सिरहा अन्तर्राष्ट्रिय आमन्त्रण सातौँ आरजु राइस बेलबारी गोल्डकप फुटबल प्रतियोगिताको सेमिफाइनलमा प्रवेश गरेको छ । सलहेस क्लबको जितसँगै बेलबारी गोल्डकपको सेमिफाइनल समीकरण पूरा भएको छ । सहलेस फुटबल क्लबले कात्तिक ९ गते चित्लाङ फुटबल क्लबसँग दोस्रो सेमिफाइनलमा प्रतिस्पर्धा गर्नेछ ।
सहलेस फुटबल क्लबका अजयी मार्टिनले चौथो मिनेटमा गोल गर्नुभयो । समीर तामाङले दिएको पासलाई मार्टिनले गोल गर्नुभएको हो । लगत्तै आठौँ मिनेटमा मार्टिनको पासमा समीर तामाङले गोल गर्दै अग्रता दोब्बर बनाउनुभयो ।
यू-२० राष्ट्रिय टिमका खेलाडी समीर तामाङले २६औँ मिनेटमा सहलेसको जितका लागि वान भर्सेस वानको उत्कृष्ट गोल गर्नुभयो र अग्रता तेब्बर बनाउनुभयो । दलसिंहपारा फुटबल एकेडेमीले मध्यान्तरअघिको अतिरिक्त समयमा एक गोल फर्कायो ।
ADVERTISEMENT
दलसिंहपाराका लागि रोहन थापाले गोल गर्नुभयो । हाफ टाइमअघि ३-१ गोलको अग्रता बनाएको सलहेविरुद्ध भारतीय टिमले ४६औँ मिनेटमा सुन्दर गोल गर्दै गोल अन्तर घटायो । दोस्रो गोल पनि रोहन थापाले गर्नुभयो । दुई गोल गरेर खेलमा फर्किएको भारतीय टिमले मध्यान्तरपछि उत्कृष्ट खेल खेले पनि हार टार्न सकेनन् ।
सलहेसका समीर तामाङ म्यान अफ दि म्याच घोषित हुनुभयो । तामाङलाई प्रदेश खेलकुद विकास समिति कोशी प्रदेशका सदस्य-सचिव कृष्ण बस्नेतले पाँच हजारसहित ट्रफी प्रदान गर्नुभयो । पहिलो सेमिफाइनलमा झापा-११ ले बुटवल लुम्बिनी फुटबल क्लब रूपन्देहीसँग प्रतिस्पर्धा गर्नेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry