साहित्यकार तथा प्राध्यापक रामहरि पौडेलको निधन

हिमालय टाइम्स कालिकोट, संवाददाता

Monday October 21, 2024

हिमालय टाइम्स कालिकोट, संवाददाता

Monday October 21, 2024

Read Time = 2 mins

सिफारिस

‘पूजा, सर’को कार्यकारी निर्मातामा अनुराग

प्रिन्ट संस्करण

साहित्य/कला

A A- A+

काठमाडौं । साहित्यकार तथा प्राध्यापक रामहरि पौडेलको निधन भएको छ । प्रगतिशील लेखक संघका पूर्वकार्यवाहक अध्यक्ष, पारिजात स्मृति केन्द्रका संस्थापक सदस्य, समालोचक एवं कथाकार प्रा.पौडेलको शुक्रबार दिउँसो निधन भएको हो । उहाँको शुक्रबार साँझ नै पशुपति आर्यघाटमा दाहसंस्कार गरिएको थियो । कीर्तिशेष रामहरि पौड्यालको जन्म विसं २००४, भाद्रमा, डिल्लीबजार काठमाडौंमा भएको हो ।

एम.ए.-अंग्रेजी/बी.एड.सम्मको औपचारिक शिक्षा ग्रहण गर्नुभएका पौडेल लामो समय भक्तपुर बहुमुखी क्याम्पसमा प्राध्यापन गरेर सेवाबाट निवृत्त हुनुभएको थियो । कथा सिर्जना र समीक्षा लेखनमा सक्रिय पौडेल प्रगतिशील लेखक संघको सदस्य र एक कार्यकाल कार्यवाहक अध्यक्षसमेत रहनु भएको थियो ।

पौडेलको पहिलो प्रकाशित रचना कविता विसं.२०२२ मा प्रकाशित भएको थियो भने उहाँका प्रकािशत कृतिहरूमा-‘सल्ला सुसाइदिन्छु’ कथासंग्रह, ‘प्रतिनिधि नेपाली कथाहरू’, ‘भानुभक्त आचार्यदेखि मोदनाथ प्रश्रितसम्म’ समीक्षा रहेका छन् । विभिन्न पत्र-पत्रिकामा कथा, कविता, निबन्ध, लेख, समालोचना लेखनमा समेत उहाँ सक्रिय हुनुहुन्थ्यो ।

निधन

साहित्यकार

यो खबर पढेर तपाईलाई कस्तो महसुस भयो ?