काठमाडौं । पत्रकार तथा साहित्यकार बी.के पाल्पालीको ५०औं जन्मजयतीमा ‘मञ्जरी’को लोकार्पण र सिर्जना वाचन गरिएको छ । साहित्य सन्ध्याका अध्यक्ष रामविनयको प्रमुख आतिथ्यतामा भएको कार्यक्रममा साहित्यकार तथा पत्रकार नरनाथ लुइँटेलले पाल्पालीको व्यक्तित्व र कृतित्वको चर्चा गर्दै नेपाली साहित्य र पत्रकारिता जगतले एक होनाहार युवा गुमाएको र उहाँ अझै बाँचेका भए नेपाली वांगमयले धेरै सिर्जना पाउने थियो भन्दै श्रद्धा सुमन व्यक्त गर्नुभएको थियो ।
वरिष्ठ पत्रकार गोपाल थपलियाले बी.के पाल्पालीले छोटो उमेरमा गरेको कार्यको चर्चा गर्नुभएको थियो भने नेपाल पत्रकार महासंघ केन्द्रीय सचिव गोविन्द चौलागाईंले पाल्पालीले गरेको योगदानको पत्रकारिता जगतले सधैं सम्झिरहने बताउनुभयो ।
कार्यक्रमको दोस्रो चरणमा झ्याउरे छन्दलय कविता लेखन पुनर्जागरण अभियानकी अभियन्ता रेणुका भट्टराईको झ्याउरे छन्दमा लेखिएको ‘मञ्जरी’ खण्डकाव्यको तेस्रो संस्करणको लोकार्पण गरिएको थियो । साहित्यकार इन्दु पन्तले मञ्जरीको कृति समीक्षा गर्दै यसले सामाजिक क्रान्तिको उद्घोष गरेको बताउँदै नारी आफैं सक्षम हुन अभिप्ररित गरेको बताउनुभयो ।
ADVERTISEMENT
कार्यक्रममा अनेसास विओटी पूर्वअध्यक्ष गीता खत्रीले शुभकामना व्यक्त गर्नुभएको थियो । साथै साहित्यकार इन्दिरा दीक्षितले मञ्जरीबाटै सिर्जना वाचन गर्नुभएको थियो । काव्य घर नेपाल मिडिया प्रा.लिको पेरोल काव्य घर साहित्य विभागले आयोजना गरेको कार्यक्रमा तेस्रो चरणको कार्यक्रममा झ्याउरे छन्दलय कविता वाचन गरिएको थियो ।
सर्जना वाचन गर्नेहरूमा साहित्यकारहरू ललिता दोषी, गंगा लिगल, भावना न्यौपाने, पेशलकुमार लुइँटेल, सुमिता पौडेल, गंगा खतिवडा र चन्द्र न्यौपाने हुनुहुन्थ्यो । आयोजक संस्थाका अध्यक्ष रेणुका भट्टराईको सभापतित्वमा सम्पन्न कार्यक्रममा प्रमुख अतिथि राम विनयले बी.के पाल्पाली र रेणुका आफ्नो हाइकु मास्टर भएको बताउँदै पाल्पालीले नेपाली साहित्यमा गरेको योगदानको प्रशंसा गर्नुभएको थियो ।
साहित्यकार तथा पत्रकार बैरागी जेठाले स्वागत गर्नुभएको कार्यक्रममा सभाध्यक्ष भट्टराईले लेखकीय मन्तव्यसहित सभाध्यक्षको मन्तव्य राख्दै बी.के पाल्पालीसँगको स्रष्टा सम्बन्धदेखि जीवन साथीको सम्बन्ध बारेमा बताउनुभएको थियो । सिम्रोन पन्तले कार्यक्रमको सहजीकरण गर्नुभएको उक्त कार्यक्रममा वडा दशैँ तथा तिहार र छठ पर्वकोसमेत शुभकामना आदान प्रदान गरिएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता