भोजपुर । हङकङ साहित्यिक साझा श्रृंखलाले नेपाली वाङ्मयका क्षेत्रमा विशिष्ट योगदान दिने स्रष्टाहरूलाई पुरस्कृत गर्ने उद्देश्यले ‘हङकङ साहित्यिक साझा श्रृङ्खला पुरस्कार’ स्थापना गरेको छ ।
हङकङबाहिर जुनसुकै भूगोलमा रहेर नेपाली साहित्यमा विशिष्ट योगदान दिएका एक जना स्रष्टालाई प्रदान गरिने उक्त पुरस्कारको राशी ५५ हजार पाँच सय ५५ रुपैयाँ र सम्मानपत्र रहने हङकङ साहित्यिक साझा श्रृंखलाका संयोजक रमन गुरुङले जानकारी दिनुभयो ।
संरक्षक दाजु गुरुङले ‘हङकङ साहित्यिक साझा श्रृंखला’ पुरस्कारका लागि एक अक्षयकोष स्थापना गरिएको बताउनुभयो । उहाँले भन्नुभयो, “अक्षय कोषबाट प्राप्त हुने ब्याजबापतको रकमबाट प्रत्येक वर्ष एक जना स्रष्टालाई पुरस्कृत गर्ने संस्थाको नीति रहेको छ र पुरस्कार यसै वर्षदेखि सुरु गरिने छ ।”
सन् २०१२ मा हङकङमा स्थापना भएको हङकङ साहित्यिक साझा श्रृंखलाले नियमितरूपमा मासिक साहित्य श्रृङ्खला सञ्चालन गर्दै आएको छ भने ‘श्रृंखला’ नामक साहित्यिक सँगालोसमेत प्रकाशन गर्दै आएको छ ।
Like
Love
Happy
Surprised
Sad
Excited
Angry
This is breaking news.
Video News Post
Breaking News with Advertisements
Breaking news with related posts