काठमाडौं । यही शुक्रबारदेखि सिनेमाघरमा आउन लागेको चलचित्र ‘सतीदेवी’ ले प्रिमियरमा प्रशंसा बटुलेको छ । मंगलबार साँझ काठमाडौंमा गरिएको प्रिमियरमा सहभागी अधिकांशले राम्रो चलचित्र बनेको भन्दै प्रशंसा गरेका हुन् । प्रिमियरमा चलचित्र हेरेका दर्शकले चलचित्रले लैंगिक समानताको पक्षमा सामाजिक सन्देश दिएको धारणा राखेका थिए । उनीहरूले निर्देशक लक्ष्मण सुवेदीको निर्देशकीय र अभिनेत्री मलिका महतको अभिनयको समेत प्रशंसा गरेका थिए ।
चलचित्रमा मलिकाले लमजुङकी एक ग्रामीण युवती सतीदेवी अधिकारी नामक चरित्र निर्वाह गर्नुभएको छ । छोरीको कथामा निर्माण भएको चलचित्रमा बाबु र छोरीबीचको स्नेही सम्बन्ध र समाजको पितृसत्तात्मक सोचविरुद्धको संघष कथा छ । प्रिमियरमा निर्देशक सुवेदीले ‘सतीदेवी’ चलचित्र नभएर एउटा क्रान्ति भएको बताउनुभयो ।
ADVERTISEMENT
प्रिमियरमा माइती नेपालकी अध्यक्ष अनुराधा कोइराला, पूर्वआइजीपी सर्वेन्द्र खनाल, मिरुना मगर, चैत्यदेवी सिंह, अभिनेता सलिनमान बनियाँ, सलोन बस्नेत, निर्देशन दीपेन्द्र लामा, ज्ञानेन्द्र देउजा, दीपाश्री निरौला, अशोक शर्मालगायत व्यक्तित्वको उपस्थिति थियो ।
चलचित्रमा मलिकासहित रमेश बुढाथोकी, भोलाराज सापकोटा, कुलदीप अधिकारी, सन्दीपबाबु लोहनी सिर्जना अधिकारी, मनीषा सापकोटा, सुजिता शिवाकोटी, तुलसी श्रेष्ठ, ईश्वरी सिंह, सन्देश लिम्बु, पवन केसी, जगदीश अधिकारीलगायत कलाकारको अभिनय छ ।
दिलाशा क्रियसन र गोल्डेन स्टेट मुभी मेकर्स एलएलसी क्यालिफोर्नियाको सहकार्यमा निर्माण भएको चलचित्रमा निर्देशक सुवेदीकै पटकथा र संवाद छ । दिलासा र साराको प्रस्तुति रहेको चलचित्रको निर्माताका श्रीदेवी, दिलासा र सारा सुवेदी हुनुहुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच