काठमाडौं । समाओका ब्याटर डुरियस भिसेरले ट्वान्टी-२० अन्तर्राष्ट्रिय क्रिकेटमा एकै ओभरमा सबैभन्दा धेरै रन बनाउने कीर्तिमान बनाउनुभएको छ । भिसेरले ट्वान्टी-२० विश्वकप इस्ट एसिया प्यासिफिक क्षेत्रीय छनोटअन्तर्गत मंगलबार भानुआतुविरुद्धको खेलमा यो कीर्तिमान बनाउनुभएको हो । भानुआतुविरुद्ध उहाँले ६२ बलमा १३२ रन बनाउनुभयो ।
समोआले भानुआटुका तीव्र गतिका बलर नलिन निपिकोविरुद्ध १५औं ओभरमा ३९ रन जोड्नुभएको थियो । जसमा डारियस भिसेरले ६ छक्का प्रहार गर्दा तीन रन नो बलबाट प्राप्त भयो । भिसेरले सुरुआती तीन बलमा लगातार छक्का प्रहार गर्नुभएको थियो । चौथो नो बल हुँदा उहाँले फ्रिहिटमा अर्को छक्का प्रहार गर्नुभयोे । पाँचौ बल डट भएको थियो तर, छैटौं बल फेरि नो बल भयो । त्यसपछिको बल पनि नो बल हुँदा उहाँले छक्का प्रहार गर्नुुभयो । फेरि फ्रिहिटमा छक्का प्रहार गर्दा सो ओभरमा कुल ३९ रन बनाएको थियो ।
ADVERTISEMENT
समाओले यसअघि एकै ओभरमा बनेको ३६ रनको कीर्तिमान तोडेको हो । भारतका युवराज सिंह (२००७), वेस्ट इन्डिजका केइरन पोलार्ड (२०२१), निकोलस पुरन (२०२४), नेपालका दीपेन्द्रसिंह ऐरी(२०२४), भारतका रोहित शर्मा÷रिंकु सिंह (२०२४ संयुक्त) ले एकै ओभरमा ३६ रन जोड्नुभएको थियो ।
भिसेरले ६२ बलमा १४ छक्का र पाँच चौकाको मद्दतले १३२ रनको योगदान गर्नुभयोे । यससँगै उहाँ समोआका लागि ट्वान्टी-२० अन्तर्राष्ट्रियमा शतक प्रहार गर्ने पहिलो पुरुष खेलाडी बन्नुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच