काठमाडौं । मित्रराष्ट्र भुटानको थिम्पुमा भएको ८औँ साउथ एसियन कराँते प्रतियोगितामा नेपाल ३१ स्वर्ण २० रजत र ११ कांस्यसहित कुल ६२ पदकसहित टिम प्रथम भएको छ । त्यसैगरी भारत २७ स्वर्ण, २० रजत र १३ कांस्यसहित टिम दोस्रो, श्रीलंका पाँच स्वर्ण १८ रजत र ३१ कांस्यसहित टिम तेस्रो, आयोजक भुटानले पाँच रजत र ३७ कांस्य पदकसहित चौथो भएको भुटानको थिम्पुबाट नेपाल कराँते महासंघका मिडिया को-अर्डिनेटर गजेन्द्रबहादुर खपांगीले जानकारी गराउनुभयो ।
प्रतियोगिताको अन्तिम दिन नेपाललाई स्वर्ण दिलाउन सफल खेलाडीहरूमा पुरुष क्याडेटतर्फ -५२ किलोमा समन श्रेष्ठ, -६३ किलोमा साहिल राई, जुनियरतर्फ -६८ किलोमा निशान तामाङ, त्यसैगरी यू-२१, -८४ किलोमा गौरव नेपाल, +८४ किलोमा आशिष श्रेष्ठ, पुरुषकै सिनियरतर्फ -५५ किलोमा एलोन श्रेष्ठ, -६७ किलोमा सन्तोष श्रेष्ठ, -८४ किलोमा मोहम्मद सेखु आलम र +८४ किलोमा विप्लवलाल श्रेष्ठले नेपाललाई स्वर्ण दिलाउनुभयो ।
त्यसैगरी स्वर्णपदक हात पारेको नेपाल कराँते महासंघका मिडिया को–अर्डिनेटर गजेन्द्रबहादुर खपांगीले जानकारी गराउनुभयो । क्याडेटको महिलातर्फ -४२ किलोमा वर्षा राई, -४७ किलोमा प्रोसिया चौधरी, -६१ किलोमा मनिषाकुमारी बोहरा, महिलातर्फकै जुनियर -४२ किलोमा सुस्मिता वाइबा, -५३ किलोमा समीक्षा ढुंगाना, यू-२१ को -४५ किलोमा प्रियंका शाही, -५० किलोमा अञ्जली महर्जन र -५५ किलोमा जिया कार्कीले स्वर्ण दिलाउनुभयो । त्यसैगरी महिला सिनियरतर्फ -४५ किलोमा वर्षा बुढा मगर, -६१ किलोमा निरूपा तामाङ र + ६८ किलोमा १९औँ एसियाडकी रजत पदक विजेता एरिका गुरुङले नेपाललाई स्वर्ण पदक दिलाउनुभयो ।
ADVERTISEMENT
त्यसैगरी महिलातर्फकै टिम कुमितेमा नेपालले पहिलो स्थान हासिल गर्न सफल भए भने पुरुषतर्फको टिम कुमितेमा दोस्रो स्थानमा चित्त बुझाउनुपर्यो । विजेता खेलाडी तथा टिमलाई समापन समारोहका प्रमुख अतिथि भुटानका राजकुमार जिगेल उग्येन वाङचुक, नेपाल ओलम्पिक कमिटीका महासचिव निलेन्द्रराज श्रेष्ठ, दक्षिण एसियाली कराते महासंघका अध्यक्ष भरत शर्मा, नेपाल कराँते महासंघका अध्यक्ष युवराज लामा, भुटान कराँते महासंघका अध्यक्ष दावा ल्होम, नेपाल कराँते महासंघका महासचिव दावा गुरुङलगायतले पुरस्कार वितरण गर्नुभयो ।
भुटानसहित नेपाल, भारत र श्रीलंका सहभागी रहेको उक्त प्रतियोगिताको समापन समारोहमा नेपालका तर्फबाट नेपाल ओलम्पिक कमिटीका महासचिव निलेन्द्रराज श्रेष्ठ, नेपाल कराँते महासंघका अध्यक्ष युवराज लामा, महासचिव दावा गुरुङ, उपाध्यक्ष मजिन्द्र सिंह, महासंघका सदस्यहरू, वरिष्ठ प्रशिक्षकहरू, टिम प्रशिक्षकहरू, पदाधिकारीलगायत करिब एक दर्जन अफिसियलहरूको सहभागिता रहेको प्रवक्ता गजेन्द्रबहादुर खपांगी ‘ईश्वर’ले जानकारी गराउनुभयो ।
यो खबर पढेर तपाईलाई कस्तो महसुस भयो ?
1
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच