काठमाडौं । एभरेष्टका आर्यन शाही र युलेन्सकी शुभश्री श्रेष्ठले १०औं सोफेस राष्ट्रिय अन्तरविद्यालय टेबलटेनिस प्रतियोगितामा स्वर्ण जितेका छन् । यु-१६ सिंगल्सको ब्वाइजमा आर्यन र गल्र्समा शुभश्री पहिलो हुनुभएको छ । लैनचौरस्थित राष्ट्रिय टेबलटेनिस प्रशिक्षण केन्द्रमा भएको ब्वाइजको फाइनलमा आर्यनले गत जेठ अन्तिम साता पोखरामा भएको प्रथम यु-१५ विद्यालय खेलकुद प्रतियोगितामा तीन स्वर्ण जित्न सफल एभीएमका जयस्नु महर्जनलाई ११-९, १४-१२, ९-११, ६-११ र ११-९ को सेटमा पराजित गर्नुभयो । भासारका रिजन शाक्य र न्यु होराइजनका सुविन क्षेत्री तेस्रो हुनुभयो ।
गल्र्सको उपाधि भिडन्तमा शुभश्रीले सेन्ट मेरिजकी सुरम्य शाक्यलाई ११-८, ११-४ र ११-६ को सोझो सेटमा हराउनुभयो । प्राइम ग्लोबलकी प्राज्णा महर्जन र एभीएमकी अर्सना महर्जन तेस्रो बन्नुभयो । ब्वाइज/गल्र्स दुवैमा शीर्ष तीन स्थान हात पार्ने खेलाडीले क्रमशः १५ हजार, सात हजार पाँच सय र तीन हजार नगद पुरस्कार प्राप्त गरे ।
गोरखनाथ माविको सहकार्यमा सोफेस नेपालद्वारा आयोजित प्रतियोगिताको यु-१२ ब्वाइज सिंगल्समा डिलाइट किन्डरगार्तेनका आरम्भराज शाक्य पहिलो हुनुभयो । उहाँले फाइनलमा जेम्सका अनमोल बजगाईंलाई ३-२ ले पाखा लगाउनुभयो । सो स्पर्धाको गल्र्स फाइनलमा आरुणीकी योजना पुन मगरले जेम्सकी सुहाना महर्जनलाई ३-१ ले पन्छ्याउदै पहिलो हुनुभयो ।
ADVERTISEMENT
यु-१४ ब्वाइज सिंगल्समा श्रृष्टि एकेडेमीका अर्नव श्रेष्ठले स्वर्ण जित्नुभयो । उहाँले फाइनलमा जेम्सका अर्चित शाहको चुनौती ३-० को सोझो सेटमा समाप्त पार्नुभयो । उक्त स्पर्धाको गल्र्स फाइनलमा दृष्टिका श्रेष्ठले स्वर्णिमकी सुप्रिया कपालीमाथि ३-१ को जित दर्ता गर्दै पहिलो बन्नुभयो ।
ब्वाइज टिम इभेन्टमा एभीएम पहिलो, भासारा दोस्रो तथा न्यु होराइजन र एभरेष्ट तेस्रो स्थानमा रहे । त्यसै स्पर्धाको गल्र्समा पनि एभीएम नै शीर्ष स्थानमा रहृयो । प्रभात दोस्रो तथा मंगल र स्वस्तिश्री गुरुकुल तेस्रो भए ।
विजेतालाई नेपाल ओलम्पिक कमिटीका उपाध्यक्ष एवं कार्यकारी निर्देशक चतुरानन्दराज वैद्य, टेबलटेनिसका मुख्य प्रशिक्षक राजेन्द्र कपाली, सोफेसका अध्यक्ष प्रा.डा. रामकृष्ण महर्जनलगायतले एक कार्यक्रमबीच पुरस्कृत गर्नुभयो । प्रतियोगितामा विभिन्न ४४ विद्यालयका १७७ ब्वाइज र ७६ गल्र्स गरी जम्मा २५३ खेलाडीले आठ स्पर्धामा प्रतिस्पर्धा गरेका थिए । यु-१६ सिंगल्समा मात्र नगद पुरस्कार राखिएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच