काठमाडौं । विश्व बैंकले नेपाललाई वित्तीय क्षेत्रको स्थायित्व सुदृढ, वित्तीय समाधान विविधीकरण र वित्तीय सेवामा पहुँच बढाउन ८० मिलियन डलर अर्थात् करिब १० अर्ब ६८ करोड रुपैयाँको विकास नीति ऋण स्वीकृत गरेको छ । थर्ड फाइनान्स फर ग्रोथ डेभलपमेन्ट पोलिसी क्रेडिटले निजी क्षेत्रको नेतृत्वमा भएको वृद्धिलाई समर्थन गर्न वित्तीय क्षेत्रको कार्य प्रणालीमा सुधार गर्ने बैंकको लक्ष्य रहेको छ । कार्यक्रम सञ्चालनले नेपालको बैंकिङ र बिमा क्षेत्रको सुपरीवेक्षणलाई सुदृढ पार्ने र पुँजी, बिमा र विपद् जोखिम बजारमा वित्तीय उत्पादनको आविष्कारलाई बढावा दिने, महिला उद्यमीलाई केन्द्रित गर्दै डिजिटलाइजेसन, परिष्कृत ऋण पूर्वाधार र सुधारिएको वित्तीय साक्षरतामार्फत् वित्तीय समावेशीकरणमा पनि वृद्धि गर्ने बैंकले जनाएको छ ।
नेपाल, श्रीलंका र माल्दिभ्सका लागि विश्व बैंकका देश निर्देशक फारिस हदाद-जेर्भोसले भन्नुभयो, ‘यस परियोजनाले नेपालको हरित, लचिलो र समावेशी विकासलाई समर्थन गर्छ र नेपालको आर्थिक वृद्धिमा योगदान पु¥याउन निजी लगानीका लागि सक्षम वातावरण सिर्जना गर्न मद्दत गर्नेछ ।’ साथै कार्यक्रमले जलवायुसम्बन्धी जोखिम र बैंकिङ क्षेत्रको पोर्टफोलियोको प्रभावको खुलासा गरी जलवायु जोखिमको पर्यवेक्षणलाई बढाएर जलवायु जोखिमसहित बिमा उत्पादनका लागि जोखिम-सूचना मूल्य निर्धारण परिचय, हरियो बण्ड जारी गर्न एक रूपरेखा स्थापना र क्रेडिट ग्यारेन्टी उत्पादनमा जलवायुसम्बन्धी न्यूनीकरण गर्न सहयोग पुग्ने बताइएको छ ।
ADVERTISEMENT
परियोजनाका लागि विश्व बैंकको कार्य टोली प्रमुख तात्सियाना क्लियात्स्कोभाले भन्नुभयो, ‘यस अपरेसनले निजी क्षेत्रको नेतृत्व वृद्धि प्रवद्र्धन गर्न सरकारको रूपान्तरणकारी वित्तीय क्षेत्र सुधार एजेण्डालाई समर्थन गर्छ । बैंकिङ, बिमा र पुँजी बजारमा भएका सुधार यस क्षेत्रको लचिलोपन र निजी पुँजी परिचालनलाई सक्षम बनाउन यसले महत्वपूर्ण भूमिका खेल्नेछ ।’
यो खबर पढेर तपाईलाई कस्तो महसुस भयो ?
1
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
Video News Post
Breaking News with Advertisements
Breaking news with related posts