काठमाडौं । जयकुमार नाथ साह मेमोरियल यू-१६ अन्तरविद्यालय क्रिकेट प्रतियोगिताको चौथो दिन शनिबार भएको खेलमा रत्नराज्य स्कुल र केएमसी स्कुलले जित हात पारेका छन् । मूलपानी क्रिकेट मैदानमा भएको खेलमा रत्नराज्य स्कुल ९६ रनले विजयी भयो । पहिले ब्याटिङ गरेको रत्नराज्यले निर्धारित २० ओभरमा ३ विकेट गुमाएर १९० रन बनाएको थियो । १९१ रनको विशाल लक्ष्य पछ्याएको नेक्सस इन्टरनेसनल एकेडेमी १७.२ ओभरमा मात्र ९४ रनमा अलआउट भयो ।
यस्तै, शनिबार नै भएको अर्को खेलमा केएमसी स्कुलले सुपर ओभरमा अपि स्कुललाई हराएको छ । निर्धारित २० ओभरमा दुवै टिमले बराबर रन बनाएपछि खेल सुपर ओभरमा गएको थियो । यसअघि पहिले ब्याटिङ गरेको अपिले निर्धारित २० ओभरमा ६ विकेट गुमाएर १३५ रन बनाएको थियो । जवाफी ब्याटिङमा उत्रिएको केएमसीले निर्धारित २० ओभरमा ७ विकेट गुमाएर १३५ रन बनाएपछि खेल सुपर ओभरमा गएको थियो ।
ADVERTISEMENT
काठमाडौं जिल्ला क्रिकेट संघको आयोजनामा भइरहेको प्रतियोगितामा १६ टिमबीच प्रतिस्पर्धा भइरहेको छ । सहभागी टिमलाई चार समूहमा विभाजन गरी लिग कम नकआउट आधारमा खेल खेलाइँदैछ । विजेताले एक लाख ५० हजार तथा उपविजेताले ७५ हजार नगद पुरस्कार प्राप्त गर्नेछन् । उत्कृष्ट ब्याट्सम्यान, बलर र उदीयमान खेलाडीलाई जनही पाँच हजार नगद पुरस्कार प्रदान गरिनेछ । सर्वोत्कृष्ट खेलाडीलाई १० हजार नगदसहित गिफ्ट हृयाम्पर दिइनेछ । प्रत्येक खेलको ‘प्लेयर अफ दि म्याच’ ले एक हजार नगदसहित गिफ्ट हृयाम्पर पाउनेछन् ।
मुख्य प्रायोजकमा स्व. जयकुमार नाथ शाहका परिवार छन् । जम्मा २७ खेल हुने प्रतियोगिताका खेलहरू मूलपानीका दुवै क्रिकेट मैदानमा खेलाइँदैछ । वैशाख ३० गतेसम्म चल्ने प्रतियोगिता सञ्चालन गर्न करिब १५ लाख २६ हजार पाँच सय रुपैयाँ खर्च हुने आयोजकको अनुमान छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता