काठमाडौं । न्युरोड टिम (एनआरटी) केपी ओली कप फुटबल प्रतियोगिताको सेमिफाइनलमा प्रवेश गरेको छ । एन्फा कम्प्लेक्स सातदोबाटोमा राष्ट्रिय युवा संघद्वारा आयोजित प्रतियोगितामा आइतबार भएको खेलमा थ्रीस्टार क्लबमाथि १-० को जित निकाल्दै एनआरटी अन्तिम चारमा प्रवेश गरेको हो ।
एनआरटीको जितमा विवेक गुरुङले निर्णायक गोल गर्नुभयो । खेलको २९औँ मिनेटमा एनआरटी गोल गर्न सफल भयो । विवेक गुरुङले शक्तिशाली फ्रिकिक गोल गर्दै खेलमा एनआरटीलाई अग्रता दिलाउनुभएको हो । त्यसअघि १३औँ मिनेटमा थ्रीस्टारका अरुज सिंहको प्रहार पोस्टको माथिबाट बाहिरियो । २६औँ मिनेटमा एनआरटीका अशोक थापाको प्रहार थ्रीस्टार गोलरक्षक अभिषेक बरालले जोगाउनुभयो ।
४२औँ मिनेटमा थ्रीस्टारका कप्तान योगेश गुरुङले बक्सभित्रबाट गरेको प्रहार पोस्ट माथिबाट बाहिरियो । ६०औँ मिनेटमा थ्रीस्टारका आशिष चापागाईंको प्रहार ब्लक भयो । ६५औँ मिनेटमा एनआरटीका सञ्जीव विष्टको प्रहार अभिषेकले सुन्दर ढंगले बचाउनुभयो । ८६औँ मिनेटमा थ्रीस्टारकै आदित्य शाक्यको हेडर पोस्टभन्दा निकै बाहिर गएपछि खेलमा थप गोल हुन सकेन ।
ADVERTISEMENT
एनआरटीले अब सेमिफाइनलमा केपी ओली एफसी र जावलाखेल युथ क्लबबीचको विजेताविरुद्ध खेल्नेछ । प्रतियोगिताका सेमिफाइनलअगाडिका खेलहरू सातदोबाटोस्थित एन्फा कम्प्लेक्समा हुनेछन् । सेमिफाइनल र फाइनल दशरथ रंगशालामा हुनेछन् । फागुन १९ का दिन प्रतियोगिताको समापन हुनेछ ।
प्रतियोगिताको विजेताले ११ लाख रुपैयाँ र उपविजेताले पाँच लाख रुपैयाँ प्राप्त गर्नेछन् । प्रतियोगिताका सर्वोत्कृष्ट खेलाडीले १ लाख, उत्कृष्ट गोलरक्षक, गोलकर्ता र उदीयमान खेलाडीले समान ५० हजार रुपैयाँ पाउनेछन् । गत वर्ष सम्पन्न भएको केपी ओली कपको पहिलो संस्करणको उपाधि मच्छिन्द्र क्लबले जितेको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
This is breaking news.
Video News Post
Breaking News with Advertisements
Breaking news with related posts