काठमाडौं । आयोजक किङ्डम हिमालयन र ग्रिनल्याण्डले प्रथम किङ्डम हिमालयन अन्तरविद्यालय बास्केटबल प्रतियोगिताको सिनियर गल्र्समा विजयी सुरुवात गरे । टोखाको प्रयास नगरस्थित घरेलु कोर्टमा किङ्डमले विल्सन एकेडेमीलाई ३१-२४ ले पराजित गर्यो । किङ्डमको जितमा दावा लामाले ९ अंक योगदान गर्नुभयो । बिहानी राईको १४ अंक सहयोगमा ग्रिनल्याण्डले भद्रकालीलाई ३०-२५ ले हरायो ।
सिनियर ब्वाइजमा विल्सनले जिनियस वल्र्डलाई ४९-३७ ले पाखा लगायो । विल्सनका अनुप मगरले १३ स्कोर गर्नुभयो । जुनियर ब्वाइजमा भ्याली पब्लिकले दोहोरो जित निकाल्यो । पहिलो खेलमा भ्याली पब्लिकले पिपुल्स एकेडेमीलाई ३२-२७ ले पन्छायो । भ्याली पब्लिकका मन्दिप ढुंगेलले १४ अंक जोड्नुभयो । अर्कोमा भ्याली पब्लिकले इडेन ब्रिज एकेडेमी (इबिए) को चुनौती ३९-२२ ले पन्छायो । विजेताका अशोक विकले १२ अंक बटुल्नुभयो ।
ADVERTISEMENT
जुनियर ब्वाइजमै सेबले हृवाइट माउण्टेनलाई २९-२२ तथा स्काइलार्कले ग्रिनल्याण्डलाई ३६-२५ ले निराश पार्यो । सेबका नृपेश सुनुवारले आठ अंक जोड्नुभयो । प्रतियोगिता अमेरिकाका लागि नेपाली राजदूतावासकी सेक्रेटरी स्वीकृति अधिकारी, किङ्डम हिमालयनका प्रिन्सिपल छेवाङ लामा शेर्पा र सह-संस्थापक कान्छीमाया शेर्पाले निर्णायकलाई एक कार्यक्रमबीच बल हस्तान्तरण गरी संयुक्तरूपमा उद्घाटन गर्नुभयो ।
प्रतियोगिताको सिनियर ब्वाइज र गल्र्समा समान ८-८ तथा जुनियर ब्वाइजमा १६ गरी जम्मा ३२ टिमले लिग कम नकआउट आधारमा प्रतिस्पर्धा गरिरहेका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता