मोडलिङमा दीपेन्द्र

हिमालय टाइम्स कालिकोट, संवाददाता

Friday December 29, 2023

हिमालय टाइम्स कालिकोट, संवाददाता

Friday December 29, 2023

Read Time = 2 mins

प्रिन्ट संस्करण

मनोरञ्जन

मनोरञ्जन ताजा समाचार

A A- A+

काठमाडौं । शिक्षामूलक टेली चलचित्र ‘स्मार्ट साथी’बाट अभिनयको क्षेत्रमा प्रवेश गर्नुभएका दीपेन्द्रराज गिरी अहिले चल्तिका मोडेल, कलाकारको पहिचान बनाइसक्नुभएको छ । काभ्रेपलाञ्चोक कात्तिकेमा बुबा वीरेन्द्रराज गिरी र आमा चन्दा कुमारीको जेठो पुत्रको रूपमा जन्मिनुभएका दीपेन्द्रराज गिरी प्लस टुसम्मको पढाई सकेर काठमाडौंलाई आफ्नो कर्म थलो बनाई आधा दशकदेखि अभिनय यात्रालाई निरन्तरता दिइरहनुभएको छ ।

नेपाल सरकार स्वास्थ शिक्षा मन्त्रालय र युएसएड संस्थाको संयुक्त निर्माण रहेको ‘स्मार्ट साथी’ टेलि चलचित्रमा उहाँले गर्नुभएको जीवन्त अभिनयको कारण गिरीलाई त्यसपछि दर्जनौं म्युजिक भिडियोमा अभिनय गर्ने अवसर मिल्दै गयो ।

उहाँले मोडलिङ गरेको पहिलो म्युजिक भिडियो ‘मूहान मुटुदेखि’ बोलको गीतको हो । ‘वरको छेउमा रोए, सुन है साइली, मेरो लासको मलामी, खुसी छ है, मत उसैको मायामा, साँची सकेको छु माया’लगायत हालै उहाँको अभिनय रहेको ‘मानव’ बोलको भिडियो सार्वजनिक भएकोे छ ।

गतहप्ता दुबईमा सम्पन्न भएको पाँचौं ज्योति फिल्मस् म्युजिक अवार्ड कार्यक्रममा वर्षको सर्वोत्कृष्ट आधुनिक विद्यातर्फको नवमोडेलको अवार्ड आफ्नो पोल्टामा पार्न सफल गिरी आगामी दिनमा पनि कला क्षेत्रमै निरन्तर लागिरहने बताउनुहुन्छ ।

अभिनय

टेली चलचित्र

मोडलिङ

यो खबर पढेर तपाईलाई कस्तो महसुस भयो ?