झर्ना ताल नदी वनस्पति अहा ! भञ्ज्याङ अग्ला गिरि ।
झन् अग्ला हिम-शृङ्खला वनचरी नाच्छन् सयौँ कस्तुरी ।।
घोड्ताप्रे अमला शिलाजित बुटी हर्राे र बर्रो फल ।
नानीझार सुुठो र सिस्नुु जमरा हुन् ओखती कम्बल ।।
१
शालिग्राम शिला तिलादि गुनिला, बेलीचमेली जुही ।
यार्सा याक उवा र फापर करू, चौँरी चरेका चुली ।।
अम्बा ओखर पारिजात निउरो,दुुर्वा हिरा खानीका ।
खोजी गर्न जुटेर अर्जुन बने नेपाल बन्थ्यो उचा ।।
२
सत्सङ्कल्प लिएर कर्मपथमा, आराम बिर्सी बढे ।
नीचा दन्तबझान जर्जरपना निन्दा जुुगुप्सा सडे ।।
पक्कै शान्त र दान्त हुन्छ मुलुुकै समृद्धिले हल्चल ।
हुन्छन् शैल मधेस भोट सजिलै समृद्धिले मङ्गल ।।
३
वादैवाद नदीसमान बहँदै पुुग्छन् महासागर ।
पारावार छ ‘राष्ट्रवाद’ गहिरो भेटिन्छ रत्नाकर ।।
चोखा कञ्चन सोचमा अघि हिँडे समृद्ध नेपाल छ ।
दर्पै दर्प अहं घरैघर चढे नेपाल बर्बाद छ ।।
४
माटोमा ममता सिँचेर समता राखौँ धरा उर्वरा ।
हेर्दै शान्त सुशील पौरख थला तुुन्दा बनून् स्रग्धरा ।।
नौला सीप सजाउँदै प्रविधिले सम्पन नेपाल होस् ।
फुस्सा भाषण दम्भ ढाँट छलका वाग्जाल नामेट होस् ।।
ADVERTISEMENT
(शार्दूलविक्रीडित छन्द)
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
उत्कृष्ट रचना को लागि मेरा पुज्य दाजुलाइ बधाइ छ !