काठमाडौं । नेपाल सुपर लिग (एनएसएल)मा राउण्ड रोविन चरणको आफ्नो अन्तिम खेलमा पोखरा एफसीसँग बराबरीको नतिजाले धनगढीले प्लेअफमा स्थान पक्का गरेको छ । धनगढीले पोखरासँग शुक्रबार एक-एक को बराबरी खेल्यो ।
पोखराले भने आठ खेलमा चार जित, तीन बराबरी र एक हार सहित १५ अंकमा पहिलो चरण टुङगायो । धनगढीको आठ खेलमा तीन जित, चार बराबरी र एक हारसँगै १३ अंक पुगेको छ । धनगढीले भने आफ्नो अन्तिम वरियता थाहा पाउन शनिबार हुने ललितपुर सिटी एफसी र काठमाडौं रेजर्सविरुद्धको खेलको नतिजा कुर्नुपर्ने भएको छ । उक्त खेलमा ललितपुरले काठमाडौं विरुद्ध जित हासिल गरे धनगढी भन्दा अघिल्लो स्थानमा रहँदै पहिलो चरणको अन्त्य गर्ने छ ।
खेलको ४२औं मिनेटमा धनगढीले खेलमा अग्रता लिएको थियो । फ्रान्कलिन टाल्लाले आफ्नो गोलरक्षक प्रिसोका लाई दिएको बल धनगढीका ओलावाले हफिजको खुट्टामै पुगेपछि उहाँले दिएको पासमा मिलन राईले गोल गर्दै धनगढीलाई अग्रता दिलाउनुभएको थियो ।
९०औं मिनेटमा पोखराले बराबरी गोल गर्न सफल भयो । सुरज जिउ ठकुरीको क्रसमा मोसेस ग्याबाले फार पोस्टमा ट्याप इन गर्दै खेलमा बराबरी गर्नुभयो ।
यस्तै फुटबल क्लब चितवनले आफ्नो अन्तिम लिग खेलमा झापा फुटबल क्लबलाई हराउँदै सान्त्वना जित हात पार्यो । फरवार्ड रफिक अमिनुले दोहोरो गोल गरेको खेलमा चितवनले झापालाई दुई-शुन्य गोलअन्तरले पराजित गर्यो ।
ADVERTISEMENT
प्लेअफ दौडबाट यसअघि नै बाहिरिएको चितवनले झापाको प्लेअफ सम्भावनामा पनि ठूलो धक्का दिएको छ । चितवन यस जितसँगै ८ खेलमा ९ अंकका साथ पाँचौ स्थानमा उक्लिएको छ । झापा भने आठ खेलमा १० अंकका साथ चौथो स्थानमा छ । झापाको प्लेअफ सम्भावना भने अन्य टोलीको नतिजामा अडिएको छ ।
शनिबार लिग चरणको अन्तिम दिन वीरगन्ज युनाइटेड र बुटवल लुम्बिनी तथा काठमाडौं रेजर्स र ललितपुर सिटी खेल्नेछन । झापालाई प्लेअफ पुग्न ललितपुरले जित दर्ता गरेर अर्को खेल बराबरीमा टुंगिनु पर्नेछ ।
झापाविरुद्ध खेलको सातौं मिनेटमा चितवनले खेलमा अग्रता लियो । विमल घर्ती मगरको कर्नरमा युसुफ मुबारकको हेडर पश्चात अमिनुले फार पोस्टमा हेडरसहित बललाई पोस्टमा प्रवेश गराउनुभएको थियो । ७७औं मिनेटमा चितवनले खेलमा दोस्रो गोल गरेको थियो । सुमित श्रेष्ठले मिडफिल्डमा बल नियन्त्रणमा लिन नसकेपछि अमिनुको लागि अवसर सिर्जना भयो । उहाँले मध्यभागबाट बल लिएर बक्स भित्रबाट फिनिश गर्दै खेलमा व्यक्तिगत दोस्रो गोल गर्नुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा