गुल्मी । गुल्मीमा दुई छुट्टाछुट्टै स्थानमा पार्किङ गरी राखिएका मोटरसाइकल चोरी गर्ने एक युवकलाई गरिएको छ । पार्किङ गरी राखिएका मोटरसाइकल चोरी गरिएको भन्दै इस्मा गाउँपालिका-५ सिरारा बस्ने २० वर्षीय सागर गिरीलाई पक्राउ गरिएको जिल्ला प्रहरी कार्यालय गुल्मीका इन्स्पेक्टर किरण सापकोटाले जानकारी दिनुभयो ।
इन्स्पेक्टर सापकोटाका अनुसार गिरीले रूपन्देही देवदह नगरपालिका-१० चरङ्गे घर भएका सुरेश दमाईको मोटर साइकल चोरी गरेका हुन् । सुरेश मालिका गाउँपालिका-६ स्थित आफ्नो मावली हजुरबुवाको घरमा आएको बेला अर्जै पोखराबारीस्थित गोबिन्द राम अर्यालको घरको आगनमा आफ्नो लु ५४ प १०२३ नम्बरको मोटरसाइकल पार्किङ गरि राखिएको अवस्थामा गिरीले चोरी गरेका थिए ।
त्यस्तै, उनै गिरीले इस्मा गाउँपालिका वडा नम्बर-६ नागा बस्ने माधव कुँवरको घरको पालिमा पार्किङ गरी राखिएको अर्को लु ३६ प ५१८७ नम्बर मोटरसाईकल पनि चोरी गरेका थिए । मोटरसाइकल चोरी गरी सोही स्थानको नागा खोला नजिकै लगी मोटरसाईकलहरुबाट पेट्रोल निकालेर अलपत्र अवस्थामा छाडेका थिए । चोरी गरिएका मोटरसाइलकबाट पेट्रोल निकाली मालिका गाउँपालिका-६ अक्षतास्थित हिमलाल लम्सालका पालिमा रहेको खाना बनाउने भान्सा आगनमा पेट्रोल बालेको प्रहरीले जनाएको छ ।
गिरीले पेट्रोल बाल्दा नजिकै रहेको बाल्टी पानीको ड्रम समेत जलि क्षति पुगेको छ । मोटरसाइकल चोरी गर्ने गिरीलाई घटनास्थलमा तत्काल प्रहरी टोली खटिएर नियन्त्रणमा लिएको थियो । गिरीलाई सोमबार गुल्मी जिल्ला अदालतबाट चोरी र आपराधिक उपद्रब कसुरमा म्याद थप गरी थप अनुसन्धान कार्य भईरहेको प्रहरीले जनाएको छ ।
Like
Love
Happy
Surprised
Sad
Excited
Angry
