काठमाडौं । गैरआवासीय नेपाली संघ(एनआरएनए)ले हालै काठमाडौंंमा सम्पन्न एनआरएनएको निर्वाचनको मत परिणामलाई लिएर उठेका सवाल सम्बोधनका लागि तत् समय नै अन्तर्राष्ट्रियस्तरको स्वतन्त्र कम्पनी (नेपाली एवं गैरआवासीय नेपालीहरूको कुनै पनि किसिमको आबद्धता नरहने गरी) प्रस्ताव गर्न निर्वाचनका निकतम् प्रतिस्पर्धीद्वय राजेन्द्रकुमार शर्मा (आरके शर्मा), महेश श्रेष्ठ र उपाध्यक्ष डा केशव पौडेललाई पहिलोपटक २१ अक्टोबर २०२३ मा र दोस्रोपटक २७ अक्टोबर २०२३ मा पत्राचार गरिएको जनाएको छ ।
तथापि उहाँहरूबाट हालसम्म पनि कुनै जवाफ नआएकाले अन्तर्राष्ट्रिय समन्वय परिषद्को ९३औँ बैठकबाट निर्णय गरी तेस्रो तथा अन्तिमपटक २० नोभेम्बर २०२३ अर्थात् ४ मंसिर २०८० मा पुनः पत्राचार गरिएको एनआरएनएद्वारा जारी प्रेस विज्ञप्तिमा उल्लेख छ ।
ADVERTISEMENT
पत्रको मितिले पाँच दिनभित्र सोसम्बन्धी प्रस्ताव पेश गरी सम्पन्न अनलाइन निर्वाचनको छानबिन तथा थप सत्यतथ्य विश्लेषणसहितको स्वतन्त्र आइटी अडिट प्रक्रिया अघि बढाउने कार्यमा सहजीकरण गरिदिन एनआरएनएले आग्रह गरेको छ । तोकिएको समयभित्र पनि कुनै जवाफ नआए थप बिलम्ब नगरी एक स्वतन्त्र अन्तर्राष्ट्रिय आइटी अडिटको व्यवस्था गरेर आवश्यक प्रक्रिया अघि बढाइने एनआरएनएका प्रवक्ता फणिन्द्र पन्तद्वारा जारी प्रेस विज्ञप्तिमा जनाइएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता