शिभाली यू-१४ सिंगल्स च्याम्पियन

हिमालय टाइम्स कालिकोट, संवाददाता

Saturday November 11, 2023

हिमालय टाइम्स कालिकोट, संवाददाता

Saturday November 11, 2023

Read Time = 2 mins

प्रिन्ट संस्करण

खेलकुद

खेलकुद बिविध

A A- A+

काठमाडौं । शिभाली गुरुङले तेस्रो वीर गणेशमान सिंह राष्ट्रिय टेनिस प्रतियोगिताको यू-१४ गल्र्स सिंगल्समा शुक्रबार स्वर्ण जित्नुभएको छ । सातदोबाटोस्थित टेनिस कोर्टमा भएको फाइनलमा शिभालीले स्वस्तिका विष्टलाई ६-३ र ६-१ को सोझो सेटमा पराजित गर्नुभयो । वीर गणेशमान सिंह फाउन्डेसन तथा वीर गणेशमान सिंह स्पोर्ट्स कमिटीद्वारा संयुक्त आयोजित प्रतियोगिताको भेट्रान ३५ वर्षमाथि पुरुष डबल्समा सन्तोष खत्री र सुवास बस्नेतको जोडी पहिलो हुनुभयो । उनीहरूले महेश श्रेष्ठ र अनिल शाईको जोडीलाई सिधा सेटमा ६-३ र ६-४ ले हराउनुभयो ।

योसँगै प्रतियोगितामा समावेश विभिन्न २३ स्पर्धामध्ये २० स्वर्णको छिनोफानो भइसकेको छ । बाँकी तीन स्पर्धाको फाइनल प्रतियोगिताको अन्तिम दिन शनिबार हुनेछ । त्यसदिन प्रतियोगिताकै दुई मुख्य स्पर्धा पुरुष÷महिला सिंगल्ससहित भेट्रान ३५ वर्षमाथि पुरुष सिंगल्सको फाइनल हुनेछ ।

पुरुष सिंगल्समा प्रदीप खड्काले ऋतिक राणासँग खेल्नुहुने छ । महिला सिंगल्समा अभिलाषा विष्टले प्रकृति श्रेष्ठविरुद्ध प्रतिस्पर्धा गर्नेछिन् । भेट्रान ३५ वर्षमाथि पुरुष सिंगल्समा कमलबहादुर भण्डारी र जितेन्द्र परियारबीच खेल हुनेछ ।

प्रतियोगिता

टेनिस

यो खबर पढेर तपाईलाई कस्तो महसुस भयो ?