काठमाडौं । कृषि, उद्दमशिलता र जलवायु परिवर्तनलाई मुख्य आधारशीला बनाएको कार्यक्रम ‘र’को घोषणा गरिएको छ । इ.स्क्वायर प्राइभेट लिमिटेडले आयोजना गर्न लागेको गेम रियालिटि शोमा एग्रिकल्चर (कृषि) र इन्टरटेनमेण्ट दुई विधाको संयोजनबाट ‘एग्रिटेनमेण्ट’को परिकल्पना गरिएको हो ।
घोषित शोमा दुई किसिमका प्रतिस्पर्धी किसान र कृषि प्राविधिकले भाग लिने बताइएको छ । किसान भन्नाले कुनै पनि कृषि पेशामा व्यवसायिक रूपले आबद्ध व्यक्ति भनेर परिभाषित गरिएको छ भने कृषि प्राविधिक भन्नाले बि.एस.सी एग्रिकल्चर वा सो सरह पढेका व्यक्तिहरू भनेर परिभाषित गरिएको छ ।
कार्यक्रमबाटै शोका सर्जक एवं निर्देशक शैलेश कँडेल क्षेत्री, मास्टर होस्ट राजेश हमाल, ग्राण्ड जज का रूपमा डा.योगेन्द्रकुमार कार्की र डा.नम्रता पाण्डेलाई परिचित गराइएको थियो । कार्यक्रममा गेम रियालिटि शोको प्रोमो पनि सार्वजनिक गरिएको थियो ।
Like
Love
Happy
Surprised
Sad
Excited
Angry
