काठमाडौं । ज्ञान निकेतनले तेस्रो केएमसी अन्तरविद्यालय बास्केटबल प्रतियोगितामा शुक्रबार विजयी सुरुवात गरेको छ । ज्ञान निकेतनले सिनियर र जुनियर ब्वाइज दुवैमा सफलता पायो । बुद्धनगरस्थित आयोजक केएमसी स्कुलको कोर्टमा भएको सिनियर ब्वाइजको खेलमा ज्ञान निकेतनले न्यु जेनिथलाई २७-१८ ले पराजित गर्यो ।
ज्ञान निकेतनको जितमा महेन्द्र प्याकुरेलले १५ अंक योगदान गर्नुभयो । जुनियर ब्वाइजमा दिप्सन अधिकारीको ७ अंक सहयोगमा ज्ञान निकेतनले आयोजक केएमसीलाई १६-११ ले हरायो ।
सिनियर ब्वाइजको अन्य खेलमा एआईएले इनोभेटिभलाई २३-१९, नेरिक एकेडेमीले रिलायन्सलाई २७-२४, इलाइट ग्रान्डले केएमसी ‘बी’लाई २१-११, काठमाडौं जेभियरले भद्रघलेलाई २२-१६, सैनिकले केएमसी ‘ए’लाई २०-१६ र सनसाइनले एनसीसीएसलाई १९-१० ले पाखा लगाउनुभयो ।
प्रतियोगिताको केएमसीका निर्देशक डा.मनोजकुमार थापा र प्रिन्सिपल द्वारिकानाथ अम्गाईंले निर्णायकलाई एक कार्यक्रमबीच बल हस्तान्तरण गरी संयुक्त रूपमा उद्घाटन गर्नुभयो । प्रतियोगितामा सिनियर ब्वाइज १६, जुनियर ब्वाइज र गल्र्समा समान ८-८ र स्टाफमा ६ टिम सहभागी छन् । फाइनल भदौ २२ गते हुनेछ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा