अख्तियारद्वारा एक लाख रुपैयाँ घुससहित लेखा अधिकृत पक्राउ

हिमालय टाइम्स कालिकोट, संवाददाता

Wednesday July 12, 2023

हिमालय टाइम्स कालिकोट, संवाददाता

Wednesday July 12, 2023

Read Time = 1 min

सुशासन

A A- A+

काठमाडौं । अख्तियार दुरुपयोग अनुसन्धान आयोगले सिरहास्थित सडक डिभिजन कार्यालय लहानका लेखा अधिकृत पदम विनोद पोखरेललाई एक लाख रुपैयाँ घुस रकमसहित पक्राउ गरेको छ ।

अख्तियारको बर्दिबास कार्यालयबाट खटिएको टोलीले मंगलबार साँझ कार्यालयमा छापा मारी पोखरेललाई घुस लिइरहेको अवस्थामा नियन्त्रणमा लिएको आयोगका सहायक प्रवक्ता देवीप्रसाद थपलियाले जानकारी दिनुभयो । सडक निर्माणको अन्तिम बिल भुक्तानी दिने प्रयोजनका लागि उनले घुस मागेको पाइएको छ ।

पोखरेल भौतिक पूर्वाधार तथा यातायात मन्त्रालयको सडक विभाग संघीय सडक सुपरीवेक्षण तथा अनुगमन कार्यालय दमकअन्तर्गत सडक डिभिजन लहानका लेखा अधिकृत हुन् । अख्तियारले उनीमाथि थप अनुसन्धान अघि बढाएको छ ।

घुस

रुपैयाँ

लेखा अधिकृत

अख्तियार

यो खबर पढेर तपाईलाई कस्तो महसुस भयो ?