काठमाडौं । अर्थमन्त्री प्रकाशशरण महतले सोमबार संसद्मा पेश गरेको बजेटमा खेल पूर्वाधार निर्माण तथा प्रतियोगिता सञ्चालनका लागि निजी क्षेत्रलाई प्रोत्साहन गर्ने बताउनुभएको छ । आर्थिक वर्ष २०८०/८१ को बजेटमा अर्थमन्त्री महतले खेलकुदको पूर्वाधार निर्माण, व्यवस्थापन र प्रतियोगिता सञ्चालनका लागि निजी क्षेत्रलाई प्रोत्साहित गर्ने बताउनुभएको हो ।
मन्त्री महतले सार्वजनिक निजी साझेदारीमा हाई अल्टिच्युड ट्रेनिङ सेन्टरका साथै ¥याफ्टिङ तथा क्यानोइङ, पाराग्लाइडिङ, रक क्लाइम्बिङ र अल्ट्रा म्याराथनलगायतका साहसिक खेल पूर्वाधार निर्माण गरी खेल पर्यटनलाई प्रवद्र्धन गरिने बताउनुभएको छ ।
त्रिभुवन विश्वविद्यालय क्रिकेट मैदानलाई अन्तर्राष्ट्रियस्तरको बनाइने
सरकारले त्रिभुवन विश्वविद्यालय क्रिकेट मैदानलाई अन्तर्राष्ट्रियस्तरको क्रिकेट मैदानका रूपमा विकास गर्ने भएको छ । सरकारले नयाँ बजेटमार्फत् त्रिभुवन विश्वविद्यालय क्रिकेट मैदानलाई अन्तर्राष्ट्रियस्तरको क्रिकेट रंगशालाका रूपमा विकास गर्दै थप चारवटा रंगशाला निर्माण गर्ने जनाएको छ ।
विराटनगरमा गिरिजाप्रसाद कोइराला क्रिकेट रंगशाला, बैतडीमा दशरथ चन्द क्रिकेट रंगशाला, कैलालीमा फाप्ला क्रिकेट रंगशाला र काठमाडौंमा सुवर्णशमशेर क्रिकेट रंगशाला निर्माण गरिने नयाँ बजेटमा उल्लेख गरिएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा