काठमाडौं । चीनमा आयोजना हुने १९औँ एसियाडका लागि नेपालको जुडो टोलीको दोस्रो चरणको छनोट भएको छ । नयाँबजारस्थित बहुउद्देश्यीय मार्सल आटर््स केन्द्रमा भएको प्रतियोगिताबाट महिला र पुरुषतर्फ समान चार-चार तौल समूह गरी कुल १६ खेलाडी छनोट भएका हुन् ।
पुरुष ६० केजीमुनि लुम्बिनी प्रदेशका विकास विक र कर्णाली प्रदेशका प्रवीणकुमार दियाली तथा ६६ केजीमुनि नेपाल पुलिसका इन्द्रबहादुर श्रेष्ठ र नेपाल आर्मीका किरण भट्टराई दोस्रो चरणका लागि छनोट हुनुभयो । पुरुषकै ८१ केजीमुनि नेपाल पुलिसका मधु रोक्का मगर र आर्मीका जंगबहादुर सारु तथा सय केजीमाथि तौल समूहमा नेपाल पुलिसका राजन जोशी र आर्मीका रन्जेश गोले छनोट हुनुभयो ।
महिलातर्फ ५२ केजी तौल समूहमा बागमतीकी देवकीमाया श्रेष्ठ र आर्मीकी रोश्ना दंगाल तथा ५७ केजीमुनि पुलिसकी मनिता श्रेष्ठ प्रधान र आर्मीकी सीमाकुमारी चिडी छनोट हुनुभएको छ । महिलाकै ७० केजीमुनि आर्मीकी पुनम श्रेष्ठ र बागमतीकी रञ्जना खड्का तथा ७८ केजीमाथि आर्मीकी आकृति जोशी र पुलिसकी पूजा राजवंशी दोस्रो चरणका लागि छनोट हुनुभयो । एसियाड १९औँ एसियाड चीनको हान्जाउ शहरमा आगामी सेप्टेम्बर २३ देखि अक्टोबर ८ सम्म हुनेछ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा