काठमाडौं । यही १५ गतेदेखि देशभरका सिनेमाघरमा आउने तयारीमा रहेको चललिचत्र ‘नाइँ नभन्नू ल ६’ को ‘कबाट कछुवा’ बोलको नयाँ गीत सार्वजनिक गरिएको छ । ओएसआर डिजिटल युट्युब च्यानलमार्फत् ‘कबाट कछुवा’ बोलको गीत सार्वजनिक गरिएको हो ।
कविराज गहतराजको कोरियोग्राफी रहेको गीतमा अभिनेत्री प्रियंका कार्की शिक्षिकाको भूमिकामा देखिनुभएको छ । वेनिशा पौडेलको स्वर रहेको गीतमा डा. सुबोधकुमार पोखरेलको शब्द र भुपेन्द्र रायमाझीको संगीत छ ।
विकासराज आचार्यद्वारा निर्देशित चलचित्रमा प्रियंकाका अलावा आँचल शर्मा, आशीर्वाद क्षेत्री, केकी अधिकारी, सरोज खनाल, खड्गबहादुर पुन, अथर्व उप्रेती, योगिशा खत्रीलगायतको अभिनय छ ।
आख्यान फिल्मस्को ब्यानरमा निर्माण भएको चलचित्रका निर्माता विकासराज आचार्य र विष्णुमणि दाहाल हुनुहुन्छ । पुरुषोत्तम प्रधानले छायांकन गरेको चलचित्रलाई सन्देश शाहले सम्पादन गर्नुभएको छ ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता