खोटाङ । खोटाङमा ‘प्रथम जन्तेढुंगा आमन्त्रित गोल्डकप’ हुने भएको छ । जन्तेढुंगा गाउँपालिका र जन्तेढुंगा खेलकुद विकास समितिको आयोजनामा आगामी २ वैशाख देखी ९ बैशाखसम्म गोल्डकप हुनेभएको हो ।
जन्तेढुंगा गाउँपालिका-५ चिसापानीको खर्क खेल मैदानमा हुने गोल्डकपको विजेताले २ लाख ५५ हजार ५ सय, उपविजेताले १ लाख ५५ हजार ५ सयका साथमा कप, मेडल र प्रमाणपत्र प्राप्त गर्नेछन् । सेमिफाइनलिष्ट दुई टिमले नगद ५०/५० हजारसहित प्रमाणपत्र पाउने छन् ।
प्रतियोगिताका बेष्ट स्टाइकर, उत्कृष्ट गोलरक्षक, उत्कृष्ट डिफेण्डरलाई १०/१० हजार र एकजना म्यानअफ द म्याचलाई ५ हजारको पुरस्कार राशि राखिएको जन्तेढुंगा खेलकुद विकास समितिले शुक्रबार गाउँपालिकाको कार्यालयमा पत्रकार सम्मलेन गरेर जानकारी दिएको छ ।
गोल्डकप आयोजना गर्न अनुमानित ३० लाखभन्दा माथिको लागत लाग्ने बताइएको छ । खेलाडीहरुका लागि खाना, बासलगायतको व्यवस्थापन तथा १५ दिनभित्र टिम दर्ताको प्रकृया सुरु गरिने बताइएको छ ।
फुटबलमा व्यावसायिक खेलाडी उत्पादन तथा व्यवसायीकरणका लागि गोल्डकपको आयोजना गरिएको जन्तेढुंगा खेलकुद विकास समितिका अध्यक्ष सुमन राईले बताउनुभयो । खेलाडीसँगै गाउँपालिकाको पहिचान, सम्मान र गरिमा अभिवृद्धिका लागि पनि गोल्डकपको आयोजना गर्न लागिएको राईले भन्नुभयो ।
खेलकुदको माध्यमबाट खेलाडीसँगै सामूहिक भावनाको विकास तथा पालिकाकाको धार्मिक तथा पर्यटकीय क्षेत्रको प्रवर्धन तथा प्रचार–प्रसारमा समेत टेवापुग्ने समितिका सचिव अमित राईले बताउनुभयो ।
देश तथा विदेशमा रहेका खेलप्रेमी महानुभावहरुबाट गोल्डकप सफल बनाउन सहयोग पुग्ने अपेक्षा रहेको आयोजकले जनाएको छ । पत्रकार सम्मेलनमा गाउँपालिका अध्यक्ष अरुणा देवी राई र उपाध्यक्ष खेम बहादुर खड्कालगायतको सहभागिता रहेको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच