काठमाडौं । नेपाल प्रोफेसनल गल्फर एसोसिएसन (एनपिजिए) को आयोजनामा हुने सूर्य नेपाल गल्फ टुर, २०२२-२०२३ को सिजनको दोस्रो प्रतियोगिता सूर्य नेपाल इस्टर्न ओपन मंगलबारदेखि धरानमा सुरु हुँदैछ । विभिन्न आठ प्रतियोगिता समावेश टुरअन्तर्गत दोस्रो प्रतियोगिता सूर्य नेपाल इस्टर्न ओपन मंगलबारदेखि धरान गल्फ क्लबमा हुने एनपिजिएका महासचिव दीपक आचार्यले जानकारी दिनुभयो ।
चार दिनसम्म चल्ने प्रतियोगितामा कम्तीमा ३२ व्यावसायिक र १५ एमेच्योर खेलाडीको सहभागिता रहने आयोजकले जनाएको छ । यसमा धरान (स्थानीय) नै सात प्रो गल्फर छन् । प्रतियोगिताको कुल पुरस्कार राशि सात लाख ७५ हजार रुपैयाँ छ । ३० डिसेम्बरसम्म ५४ होलसम्म चल्ने प्रतियोगिताको विजेताले एक लाख ४० हजार रुपैयाँ प्राप्त गर्नेछन् । उपविजेताले ९० हजार तथा तेस्रो हुनेले ६७ हजार रुपैयाँ हात पार्नेछन् । यस्तै, चौथोदेखि शीर्ष २१ ले पनि नगद पुरस्कार प्राप्त गर्नेछन् ।
प्रोतर्फ स्थानीय शुक्रबहादुर राईसँगै भुवन नगरकोटी, जयराम श्रेष्ठ, मणिराज राई, सञ्जय लामा र धन थापालाई मुख्य दावेदारका रूपमा हेरिएको छ । अन्तिम दिन १८ होलमा खेल हुनेछ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच