महोत्तरी । महोत्तरीको बर्दिवासबाट मोटरसाइकल चोरी गर्ने गर्ने गिरोह पक्राउ परेको छ । मकवानपुरको बकैया बस्ने अमर भनिने तीर्थमान लामा र बारा सिमरा जितपुर बस्ने अमृत भनिने बुद्ध वाइवालाई सामेबार राति पक्राउ गरिएको इलाका प्रहरी कार्यालय बर्दिबासले जनाएको छ ।
औरही-बर्दिबास सडक खण्डको पसल अगाडि पार्किङ गरेर राखेको पल्सर बाइक हराएपछि खोजतलास गर्ने क्रममा उनीहरुलाई पक्राउ गरिएको इलाका प्रहरी कार्यालय गौरिडाँडाका कार्यालय प्रमुख रवि रावलले जानकारी दिनुभयाे ।
बर्दिबास क्षेत्रमा धेरै बाइक चोरी हुन थालेपछि प्रहरीले केही समयदेखि सक्रियता बढाउँदै आएको छ । पक्राउ परेका दुवैजनाबाट चोरीका बाइकको विषयमा थप रहस्य खुल्न सक्ने प्रहरीको अनुमान छ । अस्थायी रूपमा सर्लाहीको बागमती बस्ने दुवैजना अहिले प्रहरी हिरासतमा छन् ।
जिल्ला अदालत महोत्तरीवबा १० दिनको म्याद थप गरी अनुसन्धान प्रक्रियालाई तीव्र बनाइएको प्रहरीले जनाएको छ । पक्राउ परेका दुवैजनाबाट प्रहरीले बा५५प ७९२२ नम्वरको बाइकसमेत बरामद गरेको थियो ।
Like
Love
Happy
Surprised
Sad
Excited
Angry
