दोहा । फिफा विश्वकप कतार २०२२ अन्तर्गत समूह ‘सी’ को खेलमा पोल्याण्डले साउदी अरेबियालाई पराजित गरेको छ । एजुकेसन सिटी रंगशालामा शनिबार राती भएको खेलमा पोल्याण्डले साउदीलाई २-० गोलअन्तरले पराजित गरेको हो ।
पोल्याण्डको जितमा पिटर जिलेन्स्की र रोबर्ट लेवान्डोस्कीले एक/एक गोल गर्नुभयो । पहिलो हाफको इन्जुरी समयमा पेनाल्टी चुकाउनु साउदीका लागि महँगो साबित भयो । खेलको ४०औँँ मिनेटमा पोल्याण्डले पिटर जिलेन्स्कीको गोलमा अग्रता लियो । रोबर्ट लेवान्डस्कीले पेनाल्टी क्षेत्रभित्रबाट दिएको पासमा जिलेन्स्कीले गोल गर्नुभएको थियो ।
४४औँँ मिनेटमा साउदीले पेनाल्टीमार्फत खेलमा फर्कने अवसर पायो । भिडियो एसिसेन्ट रेफ्रीले अल शेहरीलाई पेनाल्टी क्षेत्रभित्र लडाएको फलमा पेनाल्टी दिनुभएको थियो । तर, साउदीका लागि सलेम अल दोसारीले पेनाल्टी चुकाउनुभयो ।
खेलको अन्त्यतिर पेनाल्टी क्षेत्रअघि लेवान्डोस्कीले विपक्षी खेलाडीबाट बल खोस्दै वन भर्सेस वनको अवस्थामा दोस्रो गोल गर्नुभयो । ९०औँँ मिनेटमा लेवान्डोस्की दोस्रो गोलनजिक पुग्नुभएको थियो । एकल प्रयासमा डिफेन्डरलाई बिट गर्दै वन भर्सेस वनमा गोलरक्षक पार गर्नुभएका उहाँले फितलो प्रहार गर्नुभयो । यस नतिजासँगै समूहको नकआउट चरणमा पुग्ने समीकरण थप रोमाञ्चक बनेको छ । एजेन्सी ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा