काठमाडौं । मोरङका बोधित डिसी र नेपाल आर्मीकी सुस्मिता खड्काले कल्याण पाण्डे राष्ट्रिय जुनियर तथा क्याडेट टेबलटेनिस प्रतियोगितामा स्वर्ण जित्नुभएको छ । जुनियर सिंगल्सको ब्वाइजमा बोधित तथा गल्र्समा सुस्मिताले स्वर्ण जित्नुभएको हो ।
लैनचौरस्थित राष्ट्रिय टेबलटेनिस प्रशिक्षण केन्द्रमा भएको ब्वाइज फाइनलमा बोधितले एभिएमका रुविन महर्जनलाई १२-१०, १३-११ र ११–५ को सोझो सेटमा पराजित गर्नुभयो । नुवाकोटका गनन्जय दाहाल र काठमाडौंका हिमाल विष्ट तेस्रो हुनुभयो । गल्र्सको उपाधि भिडन्तमा सुस्मिताले एभिएमकी वियांका राईलाई ११-९, ११-८ र १३-११ को सिधा सेटमा हराउनुभयो । प्रभातकी अञ्जु सुवाल र कान्तिपुर पिङपोङ क्लबकी प्रणिका कुँवर तेस्रो हुनुभयो । शीर्ष तीन स्थानमा रहनेले क्रमशः १० हजार, पाँच हजार र दुई हजार ५०० नगद पुरस्कार पाउनुभयो ।
अखिल नेपाल टेबलटेनिस संघद्वारा आयोजित प्रतियोगिताको क्याडेट गल्र्स सिंगल्समा एभिएमकी इभाना थापा मगर पहिलो हुनुभयो । इभानाले फाइनलमा मोर्डन कलेजकी दिया देउलालाई ११-४, १२-१० र ११-४ को सोझो सेटमा पाखा लगाउनुभयो । नेपाल प्रहरीकी शुभश्री श्रेष्ठ र प्रोक्सिमाकी नर्वदा खाइतु तेस्रो बन्नुभयो । विजेताले सात हजार ५००, उपविजेताले तीन हजार ५०० र तेस्रोले दुई हजार रुपैयाँ नगद पुरस्कार पाउनुभयो ।
विजेतालाई राष्ट्रिय खेलकुद परिषद्का सदस्य–सचिव टंकलाल घिसिङ, आयोजक संघका अध्यक्ष चतुरानन्दराज वैद्य, प्रथम उपाध्यक्ष धर्ममान बज्राचार्यलगायतले एक कार्यक्रमबीच पुरस्कृत गर्नुभयो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच