कविता : ओर्ल क्वै देशवेत्ता !

बद्रीप्रसाद दाहाल

Saturday November 9, 2024

बद्रीप्रसाद दाहाल

Saturday November 9, 2024

Read Time = 1 min

सिफारिस

पुस्तक : अमेरिकी-सपनाको वर्णन

प्रिन्ट संस्करण

साहित्य/कला

A A- A+

हेर्‍यौँ झन्नै त्रिदशतक नै, देशको मन्त्रतन्त्र ।
रोगी ढोँगी निरस-मतुवा, चाहने एकतन्त्र ।।
मात्रै सत्ता-रमझम, यहाँ स्वार्थकै जल्पना भो ।
नातागोता अनुचर उठे, देश बर्बादमा गो ।। १।।

बाझ्ने जुध्ने जन-भ्रम छरी, देश ठग्ने निमोठ्ने ।
सोझा तल्ला, विकल जनतामात्र धेरै चिमोट्ने ।।
नारा छर्दै, धनपति बने, नक्कली दुष्ट-जेता ।
हामी भन्छौ ‘नव-भिजन’ मा, ओर्ल क्वै देशवेत्ता ।।२।।

भाते छाते, नव-अमिरले, गर्न सक्दैन राज ।
भोगी सोखी, छलपति हुँदा, कोष रित्तै छ आज ।।
देशै हाम्रो, असफल हुने, देख्न थाल्यौँ तमासा ।
हामी भन्छौँ, नव-मिसनमा’ ओर्लिद्यौ स्वार्थजेता ।।३।।

आफ्ना आस्था, युगयुग बचून्, मान-सम्मानसाथ ।
यात्रा भर्छाैं, अविचलित भै, एक हुन् पादहात ।
फुट्ने लुट्ने, मनमुटु ढली बन्नसक्छौँ विजेता ।
छामी छाती जनजन मिले झर्दछन् विश्वजेता ।।४।।

कविता

साहित्य

यो खबर पढेर तपाईलाई कस्तो महसुस भयो ?