पाँचथर । गजलकार इन्दिराको लिम्बू भाषाको गजलसंग्रह ‘लक्खुम’ अर्थात् आँगन लोकार्पण गरिएको छ । पाँचथर याङवरककी गजलकार इन्दिराको गजलसंग्रहलाई याङवरक गाउँपालिका अध्यक्ष भीमप्रसाद योङयाले लेखककै घरमा लोकार्पण गर्नुभएको हो ।
गजलसंग्रह सार्वजनिक गरिएको घरलाई निर्देशक तथा चर्चित हास्य कलाकार मौसम इम्बुङ ‘फुलेन्देको बाउ’ र गजलकार इन्दिराले ‘याक्थुङ नमुना घर’का रूपमा नामांकन गर्नुभएको छ । यो घर पाँचथरको याङवरक-५ याङसिङबुङमा छ ।
ADVERTISEMENT
नामओती समूह याङसिङबुङद्वारा आयोजित गजलसंग्रह सार्वजनिक कार्यक्रममा पाँचथर जिल्लास्तरका पत्रकार तथा साहित्यकारको बाक्लो उपस्थिति थियो । लेखक इन्दिराका अनुसार याङवरक गाउँपालिकामा गरिएको यो पहिलो साहित्यिक कार्यक्रम पनि हो ।
कलाकार मौसम इम्बुङ ‘फुलेन्देको बाउ’ले सञ्चालन गरेको कार्यक्रममा एलबी नेम्बाङ, मधु केरुङ, पुष्पहाङ लोवा, महेन्द्र सेलिङ, बाबा मेन्याङबो, सबिन माबोलगायतले गजलसंग्रह ‘लक्खुम’माथि चर्चा गर्नुभएको थियो । द मार्जिनले प्रकाशन गरेको गजलसंग्रह ‘लक्खुम’लाई निश आङदेम्बेले सम्पादन गर्नुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता