काठमाडौं । मिस युनिभर्स २०२३ मा नेपालबाट प्रतिनिधित्व गर्नुभएकी जेन दीपिका ग्यारेट टप २० मै सीमित हुनुभयो । तर, उहाँको चर्चा भने अन्तर्राष्ट्रिय मिडियामा भइरहेको छ । ग्यारेटले ‘प्लस साइज मोडल’ को रूपमा अन्तर्राष्ट्रिय मिडियामा चर्चा बटुली रहनुभएको हो ।
सिएनएनदेखि विश्व प्रतिष्ठित मिडियाले ‘प्लस साइज’ मोडलको रुपमा दीपिकाले सौन्दर्यको मापदण्डलाई तोडेको समाचार प्रस्तुत गरेका छन् ।
ADVERTISEMENT
उहाँले मिस युनिभर्समा पहिलो ‘प्लस साइज मोडल’को कीर्तिमान रचन सफल हुनुभयो । अहिले सामाजिक सञ्जालदेखि भिडियो प्लेटफर्ममा उहाँको भिडियोले चर्चा पाइरहेको छ । सान साल्भाडोरमा सम्पन्न भएको मिस युनिभर्सको ७२औं संस्करणमा जेनको यात्रा लामो नभएतापनि उहाँले मिस युनिभर्समा भाग लिने विश्वकै पहिलो प्लस साइज मोडलको इतिहास भने बनाउन सफल हुनुभएको छ ।
२३ वर्षीया जेनको शरीरको बनावट ३८-३२-४० इन्च छ भने तौल ८० केजी र उचाई ५ फिट ७ इन्च छ । ग्यारेट नर्सिङको विद्यार्थी र विजनेस डेभलपर हुनुहुन्छ । उहाँको जन्म भने अमेरिकामा भएको थियो । उहाँ राष्ट्रिय प्रजातन्त्र पार्टीका पुराना नेता, पूर्वमन्त्री दीपक बोहराकी नातिनी हुनुहुन्छ । दीपिकाकी आमा नेपाली र बुबा अमेरिकी हुनुहुन्छ । उहाँका एक भाइ र एक बहिनी छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता