कोलम्बो । बी लव कान्डीले लंका प्रिमियर लिग (एलपिएल) को उपाधि जितेको छ । फाइनलमा डम्बुला आरालाई पाँच विकेटले हराउँदै कान्डीले उपाधि जितेको हो । जितका लागि १४८ रनको विजयी लक्ष्य पछ्याएको कान्डीले १९.५ ओभरमा पाँच विकेट गुमाउँदै पूरा गर्यो ।
उसका कप्तान एन्जिलो म्याथ्युजले २१ बलमा तीन चौकासहित २५ रन प्रहार गर्नुभयो । यस्तै, कामिन्दु मेन्डिसले ३७ बलमा तीन चौका र एक छक्कासहित ४४, मोहम्मद हरिसले २६, दिनेश चान्डिमल २४ र आसिफ अलीले १९ रन थप्नुभयो ।
डम्बुलाका स्पिनर नुर अहमदले चार ओभरमा २७ रन खर्चेर तीन, बिनुरा फ्रेनान्डोले चार ओभरमा ३१ रन खर्चेर दुई विकेट लिनुभयो । त्यसअघि कोलम्बोमा टस जितेर पहिला ब्याटिङ रोजेको डम्बुलाले निर्धारित २० ओभरमा चार विकेट गुमाउँदै १४७ रन बनाएको थियो ।
उसका लागि धनञ्जय डी सिल्भाले २९ बलमा तीन छक्कासहित ४० रनको योगदान दिनुभयो । सदिरा समाराविक्रमा ३० बलमा पाँच चौकासहित ३६, कुशल मेन्डिस २२, अविष्का फ्रेनान्डो पाँच र कुशल परेराले ३१ रन बनाउनुभयो ।
कान्डीका लागि चतुरांगा डी सिल्भाले चार ओभरमा २५ रन खर्चेर २ विकेट लिनुभयो । नुवान प्रदीप र मोहम्मद हसनैनले समान एक विकेट लिनुभयो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा