गुल्मी । गुल्मीमा आँखा पाक्ने रोगका बिरामीहरु दिनप्रति दिन बढ्दै गएका छन् । पछिल्लो एक हप्तादेखि यस जिल्लामा पनि आँखा पाक्ने रोगका बिरामीहरु देखिएका जिल्ला आँखा उपचार तथा शल्यक्रिया केन्द्र तम्घासले जनाएको छ ।
यहाँ बालक, युवा देखि वृद्धसम्मका व्यक्तिहरुमा आँखा पाक्ने रोग देखिएको छ । पछिल्लो एकहप्ता यता यहाँ ४८९ जना आँखा पाक्ने रोगका बिरामीहरु देखिएको जिल्ला आँखा उपचार तथा शल्यक्रिया केन्द्र तम्घासका प्रमुख एवम् नेत्र अधिकृत सुर्यबहादुर बस्नेतले जानकारी दिनुभयो ।
तम्घासमा रहेको जिल्ला आँखा उपचार तथा शल्यक्रिया केन्द्रमा आँखाको समस्या देखाउँदै दैनिक ५०र६० जना बिरामी आउने गरेका थिए । तर, अहिले संक्रमणको कारणले दैनिक १०० भन्दा बढि बिरामीहरु आँखा जाँच गराउन आउने गरेका छन् । यो संख्या दिनप्रति दिन बढ्दै जाने देखिएको छ । संक्रमणको कारणले सबैभन्दा बढि बिरामीहरु साउन २१ गते आइतबार अत्यधिक रहेको पाइएको छ ।
आँखा चिलाउने, बिझाउने, आँखा सुन्निने लगायतका समस्या लिएर बिरामीहरु यहाँ आउने गरेका छन् । नियमित औषधीको प्रयोगले निको हुने भएकाले धेरै नआत्तिनुपर्ने उहाँले बताउनुभयो । आँखामा समस्या देखिए तत्काल चिकित्सकसँग सम्पर्क राख्न जरुरी रहेको उहाँको भनाइ छ ।
जिल्ला आँखा उपचार तथा शल्यक्रिया केन्द्र तम्घासको मातहतमा मुसिकोट नगरपालिकाको वामिटक्सार, चन्द्रकोट गाउँपालिकाको शान्तिपुर, मालिका गाउँपालिको सिमलटारी र मदाने गाउँपालिकाको पुर्कोटदहमा सञ्चालित आँखा उपचार केन्द्रमा समेत आँखा पाक्ने बिरामीहरुको संख्या बढदै गएको छ ।
Like
Love
Happy
Surprised
Sad
Excited
Angry
This is breaking news.
Video News Post
Breaking News with Advertisements
Breaking news with related posts