स्रोत नखुलेको रकमसहित पाँचजना पक्राउ

हिमालय टाइम्स कालिकोट, संवाददाता

Friday June 2, 2023

हिमालय टाइम्स कालिकोट, संवाददाता

Friday June 2, 2023

Read Time = 1 min

डिजिटल संस्करण

समाज

A A- A+

सर्लाही । सर्लाही सदरमुकाम मलंगवाबाट स्रोत नखुलेको रकमसहित पाँचजना पक्राउ परेका छन् ।

पक्राउ पर्नेमा हरिवन नगरपालिका-२ का २३ वर्षीय इन्द्रबहादुर कार्की, २८ वर्षीय कमल दर्लामी, ३४ वर्षीय सन्जिव तामाङ, २५ वर्षीय लेखबहादुर दर्लामी र लालबन्दी नगरपालिका-१ घर भई मलंगवाको बाबा अटो सर्भिसमा काम गर्ने ३१ वर्षीय नुरहसन साह रहेका छन् ।

सदरमुकाम मलंगवाबाट भारतको सोनवर्षातर्फ जाँदै गरेको बा ३० प ६३१३ र बा ९१ प १३२५ नम्बरको मोटरसाइकल शंका लागेपछि गोरखकाली प्रहरी चौकीअगाडि जाँच गर्दा लुकाई राखिएको २ लाख ५० हजार भारतीय रुपैयाँ र १ लाख ७० हजार नेपाली रुपैयाँसहित मोटरसाइकलमा सवार पाँच जनालाई प्रहरीले बिहीबार साँझ नियन्त्रणमा लिएको हो ।

स्रोत नखुलेको रकमसहित पक्राउ परेकाहरुको अनुसन्धान भइरहेको जिल्ला प्रहरी कार्यालय सर्लाहीले जनाएको छ ।

अभियुक्त

रकम

प्रहरी

पक्राउ

यो खबर पढेर तपाईलाई कस्तो महसुस भयो ?