दाङ । लुम्बिनी प्रदेश प्रमुख कृष्णबहादुर घर्तीलाई दुई वटा विधेयक प्रमाणीकरण गर्नुपर्ने दबाब वढेको छ ।
प्रदेश प्रमुखले सन्देश सहित असोज २२ गते प्रदेश सभामा फिर्ता पठाउनुभएको प्रदेश निजामती सेवा ऐन, २०८० लाई संशोधन गर्न बनेको विधेयक र स्थानीय निजामती सेवाको गठन, सञ्चालन र सेवाका शर्त सम्बन्धमा व्यवस्था गर्न बनेको विधेयक विधेयक प्रमाणीकरण गर्नुपर्ने दबाब वढेको हो । यी दुवै विधेयक प्रदेश प्रमुखले सन्देश सहित असोज २२ गते प्रदेश सभामा फिर्ता पठाउनुभएको थियो ।
कानुनमा प्रदेश प्रमुखले दोस्रो पटक पनि प्रदेश सभाले सर्वसम्मत पारित गरेको विधेयक फेरि फिर्ता पठाउने नपाइने उल्लेख छ । सोही कानुन वमोजिम प्रदेश प्रमुखलाई दुई वटा विधेयक प्रमाणीकरण गर्नुपर्ने दबाब बढेको हो ।
बुधबारको प्रदेश सभाको बैठकमा मुख्यमन्त्री चेतनारायण आचार्यको प्रतिनिधिको रुपमा भौतिक पूर्वाधार विकास मन्त्री भूमिश्वर ढकालले सभामा दुई वटा विधेयक छोटो बाटोबाट पारित गर्नेगरी प्रस्ताव पेश गर्नुभएको थियो । प्रदेश निजामती सेवा ऐन, २०८० लाई संशोधन गर्न बनेको विधेयक भदौ ३१ गते र स्थानीय निजामती सेवाको गठन, सञ्चालन र सेवाका शर्त सम्बन्धमा व्यवस्था गर्न बनेको विधेयक भदौ २७ गते प्रदेशसभाबाट पास भएको थियो ।
ADVERTISEMENT
लुम्बिनीमा कर्मचारीको पदपूर्ति हुन बाँकी नै छ । दरबन्दी अनुसार पदपूर्ति गर्न आवश्यक रहेकाले यसअघि पूर्वमुख्यमन्त्री डिल्लीबहादुर चौधरीको पालामा प्रदेश सभाले विधेयक अघि बढाएको थियो ।
नेपाली कांग्रेस नेतासमेत रहनुभएका चौधरीको पालमा सर्वसम्मत पारित विधेयक कांग्रेसबाटै प्रदेश प्रमुखमा नियुक्त घर्तीले फिर्ता पठाइदिएपछि कतिपय कांग्रेसका नेताहरूले संघका कर्मचारीको उक्साहट र दबाबमा प्रदेश प्रमुख परेको भन्दै आन्तरिक रूपमा आलोचना गर्न थालेका थिए ।
नेकपा एमालेका नेता चेतनारायण आचार्य मुख्यमन्त्री बनेपछि यसअघि प्रदेश निजामती सेवा ऐन, २०८० लाई संशोधन गर्न बनेको विधेयक भदौ ३१ गते र स्थानीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक भदौ २७ गते प्रदेश सभाबाट प्रदेश सभाले सर्वसम्मत पास भएका थिए।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
This is breaking news.
Video News Post
Breaking News with Advertisements
Breaking news with related posts