काठमाडौं । तारकेश्वर युवा क्लबद्वारा आयोजित स्युचाटार क्रिकेट लिग इन्डोर टी-१० प्रतियोगिताको तेस्रो दिनका खेलहरू सम्पन्न भएका छन् । सोमबार सम्पन्न सातवटा खेलहरूमा थानकोट वारियर्स, स्मार्ट ए केयर मिडिया, ग्रेट हिमालयन क्रिकेट एकेडेमी, नेक्सस क्रिकेट एकेडेमी र मिक्समाण्डु विजयी भएका छन् ।
सोमबारको पहिलो खेलमा समूह ‘डी’ अन्तर्गत थानकोट वारियर्सले सानो स्वर्ग नेपाललाई तीन विकेटले पराजित गर्यो । ६४ रनको लक्ष्य पाएको थानकोट वारियर्सले ८.३ ओभरमा चार विकेट गुमाएर लक्ष्य पूरा गर्यो । प्लेयर अफ द म्याच घोषित थानकोट वारियर्सका सुरेश पुनले अविजित २९ रन बनाउनुभयो ।
सोमबारको दोस्रो खेलमा समूह ‘बी’ अन्तर्गत स्टुडियो सेभेनले स्मार्ट ए केयर मिडियालाई छ विकेटले पराजित गर्यो । ४६ रनको लक्ष्य पछाएको स्टुडियो सेभेनले ६.१ ओरमा एक विकेट गुमाएर लक्ष्य पूरा गर्यो । प्लेयर अफ द म्याच घोषित स्टुडियो सेभेनका सन्देश कार्कीले १० रन बनाउनुका साथै तीन विकेट पनि लिनुभयो । समूह ‘बी’ बाट किंग्स क्रिकेट सबै चार खेलमा जित निकाल्दै समूह विजेताका रूपमा तथा स्टुडियो सेभेन चार खेलमा तीन जित र एक हारपछि समूह उपविजेताका रूपमा क्वाटरफाइनल प्रवेश गरेको छ ।
सोमबारको तेस्रो खेलमा समूह ‘डी’ अन्तर्गत ग्रेट हिमालय क्रिकेट एकेडेमीले लगातार चौथो जित दर्ता गर्ने क्रममा पञ्चायन युथ क्लबलाई १२ रनले पराजित गर्यो । ४३ रनको लक्ष्य पछ्याउने क्रममा पञ्चायनले ३० रनमा सबै विकेट गुमायो । प्लेयर अफ द म्याच घोषित ग्रेट हिमालयका सन्दीप पराजुलीले चार विकेट लिनुभयो । जितसँगै समूह ‘डी’ को विजेताका रूपमा ग्रेट हिमालय क्रिकेट एकेडेमी क्वाटरफाइनल प्रवेश गरेको छ ।
ADVERTISEMENT
सोमबारको चौथो खेलमा समूह ‘बी’ अन्तर्गत नेक्सस क्रिकेट एकेडेमीले स्मार्ट ए केयर मिडियालाई सात विकेटले पराजित गर्यो । २६ रनको लक्ष्य पाएको नेक्ससले २ दशमलब २ ओभरमा विकेट नगुमाई लक्ष्य पूरा गर्यो । प्लेयर अफ द म्याच घोषित नेक्ससका राजेश रावतले चार विकेट लिनुभयो ।
सोमबारको पाँचौँ खेलमा समूह ‘डी’ अन्तर्गत मिक्समाण्डुले पञ्चायन युथ क्लबलाई ३० रनले पराजित गर्यो । ८८ रनको लक्ष्य पछ्याउने क्रममा पञ्चायन ५७ रनमै समेटिन पुग्यो । प्लेयर अफ द म्याच घोषित मिक्समाण्डुका सोनु देवकोटाले तीन विकेट लिनुभयो । सोमबारको छैटौँ खेलमा समूह ‘बी’ अन्तर्गत नेक्सस क्रिकेट एकेडेमीले टिम रेन्सुलाई पाँच विकेटले पराजित गर्यो । टिम रेन्सुले दिएको ५३ रनको लक्ष्य नेक्ससले ७ दशमलब २ ओभरमा दुई विकेट गुमाएर पूरा गर्यो । प्लेयर अफ द म्याच घोषित नेक्ससका आर्यन विकले तीन विकेट लिनुभयो ।
सोमबारको सातौँ खेलमा समूह ‘डी’ अन्तर्गत मिक्समाण्डुले सानो स्वर्ग नेपाललाई ७९ रनले पराजित गर्यो । १०५ रनको लक्ष्य पाएको सानो स्वर्गले २५ रनमा सम्पूर्ण विकेट गुमायो । प्लेयर अफ द म्याच घोषित मिक्समाण्डुका अनुप श्रेष्ठले ४० रन बनाउनुभयो । विशाल जितपछि तीन खेलमा दुई जित र एक हार बेहोरेको मिक्समाण्डुले क्वाटरफाइनल पुग्ने सम्भावना बलियो बनाएको छ ।
चौथो दिनको खेलपछि हालसम्म समूह ‘बी’ बाट किंग्स क्रिकेट र स्टुडियो सेभेन, समूह ‘सी’ बाट टिम बिडिएस तथा समूह ‘डी’ बाट ग्रेट हिमालय क्रिकेट एकेडेमीले क्वाटरफाइनलमा स्थान सुरक्षित गरेका छन् । प्रतियोगिताअन्तर्गत पाँचौँ दिन मंगलबार पनि लिग चरणका सातवटा खेलहरू हुनेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच