जुम्ला । जुम्लाको सिंजा गाउँपालिकाको नराकोट स्वास्थ्य चौकीमा संचालन भएको एकदिने कान सम्बन्धि निःशुल्क स्वास्थ्य शिविरबाट २५९ जना लाभान्वित भएका छन् ।
गाउँपालिकाको आयोजनाको र विएन अस्पताल नेपालगन्जको प्राविधिक सहयोगमा बुधबार भएको निःशुल्क कान सम्बन्धी स्वास्थ्य शिविरमा जम्मा बिरामी २५९ जना मध्ये पुरुष १३६ र महिला १२३ जनाले सेवा लिएको सिँजा गाउँपालिका स्वास्थ्य शाखा प्रमुख ललित रोकायाले जानकारी दिनुभयो ।
कानको शल्यक्रियाको लागी छनोट भएका बिरामी जम्मा ४८ जना, महिला २१ जना, पुरुष २७ जना रहेकाछन् । कानमा मेसिन प्रयोग गर्नु पर्ने ११ जना, कानको जालीमा सुन्न सक्ने क्षमता चेकजाच ८१ ज्ना र फोहोर काने गुजी तथा अन्य सफा गरेको जम्मा १५० जनाले उक्त स्वास्थ्य शिविरबाट सेवा लिएको स्वास्थ्य शाखाका प्रमुख रोकायाको भनाइ छ ।
२५९ जना विरामीलाई औषधि समेत वितरण गरेको सिंजा गाउँपालिकाको स्वास्थ्य शाखाले जनाएको छ । गाउँमै दक्ष चिकित्सकबाट कानको उपचार पाउँदा यहाँका स्थानीयवासिलाई निकै राहत पुगेको सिँजा गाउँपालिका-३ का स्थानीय नुन्नु उपाध्यायले बताउनुभयो ।
वरिष्ठ कान स्वास्थ्य अधिकृत राम वहादुर बोहोराले एकदिने शिविरमा धेरै मात्रामा कानमा फोहोर भएका र कानमा हरेक वस्तु पसेका विरामी भेटिएका छन् । कानको सुरक्षा, सरसफाइमा ध्यान नदिनाले यस्ता विरामी भेटिएका हुन ।
मानव शरिरको सम्वेदनशिल अंगमध्ये कान पनि एक अंग भएकाले कानलाई सुरक्षित राख्न र कानमा जस्तो सुकै समस्या आएमा कानलाई कोट्याउने, तेल हाल्ने, थुक हाल्नेलगायतका घरेलु औषधी उपचारतर्फ नलाग्ने कानमा समस्या देखा परेमा नजिकैको स्वास्थ संस्थामा गएर चेकजाँच गराउनु पर्ने बताउनुभयो । सिंजा रहेक गाउँ बस्तीमै पुगेर निःशुल्क स्वास्थ्य शिविर संचालन गरिने गाउँपालिका अध्यक्ष पूर्णप्रसाद धितालले जानकारी दिनुभयो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच