ताप्लेजुङ । ताप्लेजुङमा आयोजित अन्तर्राष्ट्रिय रेडपाण्डा ट्रेल म्याराथन (दौड) प्रतियोगितामा खुलातर्फ पाँचथरका विशाल राई प्रथम हुनुभएको छ भने महिलातर्फ कुमारी गुरुङ प्रथम हुनुभएको छ । शनिबार आयोजित म्याराथनमा निर्धारित ४८ किलोमिटर दूरी चार घण्टा १६ मिनेटमा पूरा गर्दै राई प्रथम हुनुभएको हो भने निर्धारित ४८ किलोमिटर दूरी ६ घण्टा १२ मिनेटमा पूरा गर्दै ताप्लेजुङ फुङ्लिङकी गुरुङ प्रथम हुनुभएको हो ।
म्याराथनमा समग्र अर्थात् खुलातर्फ विजेता बन्नुभएका राईले एक लाख रुपैयाँ नगद पुरस्कार पाउनुभएको छ । यस्तै, पुरुषतर्फ बझाङका करण रावल प्रथम हुनुभएको छ । रावलले निर्धारित ४८ किलोमिटर दूरी चार घण्टा १७ मिनेटमा पार गर्नुभएको छ ।
त्यस्तै, पुरुषतर्फ नै ताप्लेजुङका रमेश लिम्बू दोस्रो र सोलुखुम्बुका अर्जुन कुलुङ राई तेस्रो बन्नुभएको छ । निर्धारित दूरी क्रमशः लिम्बूले चार घण्टा २६ मिनेट र राईले चार घण्टा ३१ मिनेटमा पूरा गर्नुभएको छ । म्याराथनको पुरुष विधाका विजेताहरूमध्ये प्रथमले ५० हजार रुपैयाँ, दोस्रो ३० हजार र तेस्रोले २० हजार रुपैयाँ नगद पुरस्कार पाउनुभएको छ ।
म्याराथनमा महिलातर्फ नै निर्धारित ४८ किलोमिटर दूरी ६ घण्टा २९ मिनेटमा पार गर्दै ओखलढुंगाकी लाक्पा निमा शेर्पा द्वितीय हुनुभएको छ । यस्तै ताप्लेजुङकी दासांगी शेर्पा तृतीय हुनुभएको छ । तृतीय बन्न सफल शेर्पाले ६ घण्टा ३७ मिनेटमा निर्धारित दूरी पूरा गर्नुभएको छ ।
महिलातर्फ म्याराथनमा प्रथम हुनेले ५० हजार रुपैयाँ, दोस्रोले ३० हजार र तेस्रो हुनेले २० हजार रुपैयाँ नगद पुरस्कार पाउनुभएको छ । म्याराथन प्रतियोगितामा दक्षिण कोरियाकी एक महिला धावकसहित १६ जना सहभागी भएका थिए ।
ADVERTISEMENT
यसैगरी स्थानीय विधातर्फ रेडपाण्डा करिडोर क्षेत्रका रूपमा रहेको ताप्लेजुङ, पाँचथर र इलाम जिल्लाका धावकबीच प्रतिस्पर्धा गराइएको थियो । उक्त विधातर्फ पाँचथरका राजन मेन्याङ्बो निर्धारित दूरी चार घण्टा ५७ मिनेटमा पूरा गर्दै प्रथम हुनुभएको छ । त्यस्तै सञ्चबहादुर शेर्पाले पाँच घण्टा छ मिनेट र दीपक राईले पाँच घण्टा १९ मिनेटमा दूरी पार गर्दै क्रमशः दोस्रो र तेस्रो हुनुभएको छ ।
म्याराथनको स्थानीय विधातर्फ प्रथमलाई १५ हजार रुपैयाँ, दोस्रोलाई १० हजार र तेस्रो हुनेलाई पाँच हजार रुपैयाँ नगद पुरस्कार प्रदान गरिएको आयोजक हिमाली संरक्षण मञ्च ताप्लेजुङले जनाएको छ । म्याराथनका लागि सदरमुकाम फुङ्लिङदेखि तीन हजार ७९४ मिटर उचाइमा अवस्थित पाथीभरा धाम पुगेर पुनः फुङ्लिङ आइपुग्नुपर्ने गरी दूरी निर्धारण गरिएको थियो ।
प्रत्येक सेप्टेम्बर २१ तारिखलाई अन्तर्राष्ट्रिय रेडपाण्डा दिवसका रूपमा मनाइने गरिएको छ । दिवसको अवसर पारेर विश्वमै दुर्लभ रेडपाण्डाको संरक्षणप्रति जनचेतना अभिवृद्धि तथा पर्यटन प्रवद्र्धन गर्ने उद्देश्यले रेडपाण्डा म्याराथन प्रतियोगिता आयोजना गरिएको मञ्चका कार्यक्रम संयोजक रमेश राईले जानकारी दिनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच