काठमाडौं । यही शुत्रबारदेखि सिनेमाघरमा आउने तयारीमा रहेको चलचित्र ‘मोदीबेनी’ले ‘मोदीबेनी फुड एण्ड इन्टरटेनमेन्ट अफर’ ल्याएको छ । यो अफरअन्तर्गत नेपालभर यो चलचित्र हेर्ने दर्शकले चलचित्र हेरेको एक महिनासम्ममा विभिन्न रेण्टुरेन्टहरू तथा काठमाडौंका लोकल फार्म र स्काइवाकमा आकर्षक छुट सुविधा प्राप्त गर्नेछन् ।
आन्तरिक पर्यटकको लागि प्रमुख आकर्षणमा रहेको काठमाडौंको कमलादीमा रहेको स्काइवाक टावरमा लाग्ने टिकट मूल्यमा दुई सय रुपैयाँ छुट, स्काइवाककै कम्पाउण्डमा रहेको मेक्सिकन खाना ‘बरिटो’को लागि प्रसिद्ध बरिटो रेष्टुरेन्टमा दुई सय छुट, काठमाडौंको बत्तीस पुतलीमा रहेको अतिथि रेष्ट्रोमा २० प्रतिशत छुट, सिटी सेन्टरको चौथो तल्लामा रहेको फुड कोर्टमा १५ प्रतिशत छुट तथा धुम्बाराहीमा रहेको लोकल फार्ममा रहेका सबै सामानमा १५ प्रतिशत छुट प्रदान हुने जनाइएको छ ।
त्यसैगरी, काठमाडौंबाहिर दाङको नारायणपुरस्थित भिएफएक्स सिनेमा हलमा रहेको रेष्टुरेन्टमा २० प्रतिशत, इटहरीको तरहरास्थित रिजन होटेल एण्ड म्युजिक क्याफेमा २० प्रतिशत छुट तथा नेपालगञ्जका दुई रेष्टुरेन्टहरू रेड हाउस रेष्ट्रो, गुरुद्वारा रोड र कुटुम्ब क्याँफे, धम्बोजीमा २० प्रतिशत छुट प्रदान हुने जनाइएको छ ।
ADVERTISEMENT
यो अफरका लागि ‘मोदीबेनी’ चलचित्र हेर्नुपर्नेछ र अनलाइन वा हलबाट काटिएको टिकट देखाएपछि छुट प्राप्त गर्न सकिनेछ । अनलाइनबाट काटिएको टिकट भने प्रिन्ट गर्नुपर्नेछ । एउटै टिकटबाट माथि उल्लेखित सबै स्थानहरूमा एक पटकका लागि छुट प्रदान हुने जनाइएको छ । यो अफर चलचित्र हेरेको दिनदेखि एक महिनासम्मका लागि कायम रहनेछ । नेपालभर जुनसुकै हलका लागि काटिएको टिकट यो अफरमा मान्य हुने बताइएको छ । यो अफरमा मद्यपान र धूम्रपानको भने छुट प्राप्त हुनेछैन ।
डिनेष्ट इन्टरटेनमेन्टको ब्यानरमा दिलीप केसी र हरि श्रेष्ठले निर्माण गरेको यस चलचित्रमा शंकर कोइरालाको निर्देशन छ । यसमा वर्षा सिवाकोटी, अमरप्रताप श्रेष्ठ, प्रवीण खतिवडा, रेजीना उप्रेती, सरोज खनाल, दिलीप केसी, कमलमणि नेपाल, जीवन भट्टराई, स्नेहा भट्टराईलगायतको अभिनय छ । आनन्दविक्रम क्षेत्रीको लेखन, उत्सव दाहालको डिओपी, भरत रेग्मीको सम्पादन रहेको छ चलचित्रमा दीपेन्द्र गौतमको प्रोडक्सन डिजाइन, रोयल भीमसेनको पोष्टर डिजाइन तथा ट्राइडेन्ट कन्सेप्टको पब्लिसिटी डिजाइन छ । चलचित्रलाई ऋच इन्टरटेनमेन्ट र एफडी कम्पनीले वितरण गर्दैछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच