जीर्ण विद्यालयको भवनबाट वडा कार्यालयको काम

निरोज कोइराला भोजपुर, संवाददाता

Sunday July 28, 2024

निरोज कोइराला भोजपुर, संवाददाता

Sunday July 28, 2024

Read Time = 3 mins

डिजिटल संस्करण

कोशी प्रदेश

प्रदेश समाचार

A A- A+

भोजपुर । आफ्नो भवन नहुँदा भोजपुर नगरपालिका वडा नम्वर ५, बोखिममा रहेको वडा कार्यालयले वसौंदेखि विद्यालय भवनबाट दैनिकसेवा प्रवाह गर्दै आईरहेको छ ।

वडा कार्यालयले गाविस हुँदैदेखि विद्यालयको भवनबाट स्थानीयले सेवा पाउँदै आईरहेका छन् । बोखिममा रहेको पञ्चकन्या माविको जीर्ण भवनबाट हाल सेवा संचालन हुँदै आएको छ । भवन अभावमा विद्यालयको जीर्ण भवनबाट वडाको दैनिक कार्यहरु गर्दै आईरहेको वडाध्यक्ष फविन्द्र प्रधानले बताउनुभयो ।

“हामीसँग वडा कार्यालय सञ्चालनका लागि भवन छैन, स्कुलको कोठा मागेर बनाएको कार्यालयमा पनि काम गर्न निकै कठिन हुने गरेको छ ।” वडाध्यक्ष प्रधानले भन्नुभयो । विद्यालयले दिएको दुई कोठे भवन पनि सवै जीर्ण छ । वडा कार्यालयको भवन निर्माणका लागि स्थानीय धनराज राईले तीन रोपनी जग्गा उपलब्ध गराउनु भएको छ । भवन निर्माणका लागि जग्गा उपलब्ध भए पनि बजेट अभावमा वडा भवन बन्ने संभावना छैन ।
स्थानीय मुल्य अनुसार राईले ५ लाख बढीको जग्गा उपलब्ध गराउनु भएको भएपनि पहल गर्दासमेत बजेट ब्यवस्थापन हुन नसकेको जनप्रतिनिधीहरुको भनाई छ ।

पूर्वाधार अभावका कारण सेवाग्राही आउँदा भीड हुने र चुस्त सेवा दिन गाह्रो हुने गुनासो वडाको छ ।
कार्यालय सञ्चालन गर्ने पूर्वाधार नहुँदा जनताले अपेक्षा गरे अनुसार जोस, जाँगरले काम गर्न कठिनाई हुने गरेको वडासचिव अभिनास राईले बताउनुभयो ।