किसानलाई अनुदानमा हाते ट्याक्टर बितरण

डम्बर बोहरा बैतडी, संवाददाता

Sunday July 14, 2024

डम्बर बोहरा बैतडी, संवाददाता

Sunday July 14, 2024

Read Time = 3 mins

डिजिटल संस्करण

प्रदेश समाचार

सुदूरपश्चिम प्रदेश

A A- A+

बैतडी । बैतडीको पाटन नगरपालिका ८ र ९ का किसानहरुलाई हाते ट्याक्टर वितरण गरिएको छ । कृषि ज्ञान केन्द्रको बृहत विशेष कृषि उत्पादन कार्यक्रम अन्तर्गत आईतबार ३४ जना किसानलाई हाते ट्याक्टर वितरण गरिएको हो ।

कृषि ज्ञान केन्द्रको ५० प्रतिशत अनुदानमा किसानहरुलाई हाते ट्याक्टर वितरण गरिएको हो । युवा जनशक्ति रोजगारीका लागि बाहिर जाने र गाउँमा महिलाहरु हुँदा खेतीपातिका काम गर्दा सहज हुने भएकाले हाते ट्याक्टर अनुदानमा वितरण गरिएको कृषि ज्ञान केन्द्र बैतडीका प्रमुख घनश्याम चौधरीले जानकारी दिनुभयो । थोरै जनशक्तिले पनि कम समयमा धैरै काम गर्न सकिने र गोरु पाल्ने झनझट पनि नहुने भएकाले हाते ट्याक्टर वितरण गरिएको उहाँले बताउनुभयो ।

कृषि समूहमा आवद्ध महिलाहरुको मागका आधारमा पाटन नगरपालिका ८ का २५ जना र वडा नम्बर ९ का नौ जना कृषकहरुलाई हाते ट्याक्टर वितरण भएकाे छ । महिला कृषि समूहमा आवद्ध महिलाले अनुदानमा हाते ट्याक्टर प्राप्त गरेपछि कम समयमा धेरै काम गर्न सकिने बताए। गोरु पालिरहनु नपर्ने र कम जनशक्ति र समयमा धेरै काम गर्न सकिने भएकाले सहज हुने ओखेलेश्वर बहुउद्धेशीय महिला कृषि समूहका अध्यक्ष बिमला बिष्टले बताउनुभयो ।

कृषि ज्ञान केन्द्र बैतडीको बार्षिक स्वीकृत कार्यक्रम अन्तर्गत यसअघि पाटन नगरपालिका ८, ९ र १० का किसानहरुलाई आलुको बिउसहित, डिजिटल तराजु, पानी तान्ने समर सिवल पम्प वितरण गरेको थियो ।

हाते ट्याक्टर प्रयोग गर्ने किसानहरुको संख्या बढेपनि वातावरण मैत्री भने नभएको बताइएको छ । उत्पादन र समयको खर्च घटाएपनि हाते ट्याक्टर चलाउने अनुभव नहँदा दुर्घटनाको जोखीम हुने गरेको छ ।

‘हाते ट्याक्टरको आयातमा सरकारको ठुलो रकम बिदेशीने गरेको छ, त्यसपछि बेला बेला मर्मतमा समेत खर्च हुने गरेको छ’ कृषि ज्ञान केन्द्र बैतडीका प्रमुख घनश्याम चौधरीले भन्नुभयो ‘युवा जति सबै बाहिर भएकाले हाते ट्याक्टरको प्रयोग नगरी नहुने अवस्था छ ।’

यो खबर पढेर तपाईलाई कस्तो महसुस भयो ?