पेरिस । युक्रेनी खेलाडीले विश्व एथलेटिक्समा ३७ वर्ष पुरानो कीर्तिमान तोडेर संसारभर चर्चा बटुल्नुभएको छ । हाईजम्पकी २२ वर्षीया युक्रेनी खेलाडी यारोस्लावा महुचिखले फ्रान्सको पेरिसमा आयोजना भएको डायमन्ड लिगमा कीर्तिमानी प्रदर्शन गर्दै आफ्नो नाम लेखाउनुभएको हो ।
यारोस्लावा आफ्नो स्पर्धामा २.१० मिटर (६.८८ फिट) उफ्रिनुभएको हो । विश्व खेलकुदको महाकुम्भ मानिने ओलम्पिकअघि उहाँले गरेको अस्वाभाविक प्रदर्शनले निकै चर्चा बटुलेको छ । यसअघि यो कीर्तिमान बुल्गेरियाकी खेलाडी स्टेफ्का कोस्टाडिनोवाको नाममा रहेको थियो । कोस्टाडिनोवाले सन् १९८७ मा इटालीको रोममा सम्पन्न विश्व एथलेटिक्स च्याम्पियनसिपमा २.०९ मिटरको प्रदर्शनसहित उक्त कीर्तिमान आफ्नो नाममा लेखाउनुभएको थियो ।
अन्तर्राष्ट्रिय प्रतियोगितामा आफ्नो नाममा विश्व कीर्तिमान लेखाएपछि यारोस्लावा निकै भावुक बन्नुभएको थियो । ‘यो प्रतियोगितामा सहभागी हुनु नै मेरा लागि ठूलो उपलब्धि हो । मैले २.७ मिटर जम्प गर्न सक्छु कि भन्ने सोचेकी थिएँ । तर, मैले आफ्नो सोचभन्दा माथिको प्रदर्शन गर्न सकेँ,’ उहाँले भन्नुभयो, ‘हामी खेल मैदानमा पनि आफ्नो देश, आफ्ना नागरिक र आफ्ना सैनिकका लागि लडिरहेका छौँ । हामी कुनै पनि क्षेत्रमा हार मान्दैनौँ भन्ने कुरा सिंगो विश्वलाई देखाउन चाहन्छौँ । यो प्रदर्शनले त्यसलाई प्रमाणित गर्न पनि सफल भएँ ।’
ADVERTISEMENT
२२ वर्षीया यारोस्लावा र विश्व इन्डोर च्याम्पियन निकोला ओलेआस्लेगर्सले दोस्रो जम्पमा २.०१ को दूरी तय गर्नुभएको थियो । विश्व इन्डोर च्याम्पियन निकोला ओलेआस्लेगर्सले तेस्रोपटकमा २.०३ जम्प गर्दा यारोस्लावाले विश्व कीर्तिमान आफ्नो नाममा लेखाउन सफल हुनुभयो । यारोस्लावाले सन् २०२० मा सम्पन्न टोकियो ओलम्पिकमा पनि कांस्य पदक जित्नुभएको थियो । उहाँले अब आफ्नो लक्ष्य पेरिस ओलम्पिकमा केन्द्रित भएको बताउनुभएको छ ।
आफ्नो देश युक्रेन लामो समयदेखि युद्धको चपेटामा परेकाले यारोस्लावाले डायमन्ड लिग र पेरिस ओलम्पिकको तयारी विदेशमा गर्नुभएको थियो । रुसले युक्रेनमा आक्रमण सुरु गरेलगत्तै उहाँले आफ्नो गृहनगर डिनिप्रो छाड्नुभएको थियो ।
युक्रेनका अन्य खेलाडीसँगै उहाँले पनि विदेशमै प्रशिक्षण गर्नुभएको थियो । उहाँले अन्तर्राष्ट्रिय ओलम्पिक कमिटीले रुस र बेलारुसलाई ओलम्पिकमा सहभागी हुनबाट रोक लगाएर राम्रो निर्णय गरेको प्रतिक्रिया पनि दिनुभएको छ । ‘हामी सबै विदेश बसेर पनि आफ्नो देशका लागि लडिरहेका छौँ । हामी देखाउन चाहन्छौँ कि युद्धको चपेटामा परेको युक्रेनका खेलाडी पनि विश्व खेल जगत्मा उदाउन सक्छन्,’ उहाँले भन्नुभएको छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच