बैतडी । बैतडीको मेलौली नगरपालिका-३ मा ट्याक्टर दुर्घटनामा परेको छ । आइतबार बिहान करिब साढे १० बजेतिर कुजागाड सडकखण्डको तल्खेत भन्ने स्थानमा सु प प्र ०२ च ००२ त ४३७० नम्बरको ट्याक्टर दुर्घटनामा परेको हो । ट्याक्टर दुर्घटनामा परी दुई बालिका घाइते भएकी छन् । घाइते हुनेमा सोही ठाउँका करन चन्दकी ७ वर्षीया छोरी निकिता चन्द र बिर बहादुर चन्दकी ७ वर्षीया छोरी पुर्णीमा चन्द रहेकी छन् ।
घाइते दुवैलाई उपचारको लागि प्राथमिक स्वास्थ्य केन्द्र पाटन ल्याइएको छ ।
कोजागाड सडकखण्डमा ढुंगा लोड गर्ने क्रममा एक्कासी ट्याक्टर अगाडी बढेर दुर्घटनामा परेको जिल्ला प्रहरी कार्यालय बैतडीका प्रवक्ता, प्रहरी निरीक्षक बलराम पाण्डेले जानकारी दिनुभयो । ट्याक्टर सडकबाट सय मिटर तल खसेको हो ।
दुर्घटनामा परेको ट्याक्टरको अगाडीको भाग स्थानीय धनी भट्टको घरमाथि अडिएको छ भने पछाडीको भाग घरअगाडीको बारीमा पुगेको छ । घरमा पनि क्षति पुगेको प्रहरीले जनाएको छ ।
ट्याक्टर चालक धनिराम डकौरालाई प्रहरीले नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता