काठमाडौं । नेपाल उसु महासंघको आयोजनामा १६औँ राष्ट्रिय उसु प्रतियोगिता असार २ गतेदेखि हुने भएको छ । प्रतियोगितामा सहभागिताका लागि ४० जिल्ला र तीन विभागीय टोलीलाई आमन्त्रण गरिएको उसु महासंघका उप-महासचिव राजीव महर्जनले बताउनुभयो । प्रतियोगितामा करिब २५० खेलाडीको सहभागिता रहने आयोजकको अनुमान छ ।
प्रतियोगितामा थाउलो र सान्डामा गरी २७ स्पर्धा समावेश छन् । सहभागी सबैलाई बसोबास, खाना र यातायात खर्च आयोजकले उपलब्ध गराउने बताइएको छ । तीनदिने प्रतियोगिताका खेलहरू त्रिपुरेश्वरस्थित राखेपको सेमी कभर्डहलमा हुनेछन् । शीर्ष तीन टिमले क्रमशः ३० हजार, २० हजार र १० हजार रुपैयाँ प्राप्त गर्नेछन् ।

बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा