जुम्ला । जुम्ला जिल्लाका एक नगरपालिकासहित सात गाउँपालिका गरी आठवटा स्थानीय तहमा संघीय सरकारले आगामी आर्थिक वर्षका लागि दुई अर्ब भन्दाबढी बजेट दिएको छ । संघीय सरकारद्वारा आगामी आव २०८१/८२ का लागि यहाँका आठवटै स्थानीय तहमा दुई अर्बबढी अनुदान प्राप्त भएको हो ।
वित्तीय समानीकरण अनुदान, विशेष अनुदान, सशर्त अनुदान र समपुरक अनुदान गरी चार शीर्षकअन्तर्गत रहेर संघीय सरकारले प्रदेश र पालिकालाई बजेट पठाउने गरेको छ । जसअन्तर्गत जुम्लामा दुई अर्ब ६६ करोड ६ लाख बजेट जिल्लामा आएको हो ।
जसमा यहाँको एकमात्र चन्दननाथ नगरपालिकामा जिल्लाकै सबैभन्दा बढी ५२ करोड १३ लाख अनुदान आएको छ । जसमा समानीकण अनुदान १२ करोड ४२ लाख, सर्शत अनुदान ३९ करोड २१ लाख समपुरक ५० लाख अनुदान प्राप्त भएको छ । चन्दननाथमा विशेष अनुदान शुन्य छ ।
त्यस्तै कनकासुन्दरी गाउँपालिकामा ३० करोड ९१ लाख विनियोजनहुँदा समानीकरण अनुदान ९ करोड ३५ लाख प्राप्त भएको वित्तीय हस्तान्तरणको पत्रमा उल्लेख गरिएको छ । गुठिचौर गाँपालिकामा समानीकरण अनुदान ८ करोड ३७ लाख आउँदा सशर्त अनुदान २० लाख २६ हजार सहित कूल २९ करोड १३ लाख अनुदान पाएको छ ।
ADVERTISEMENT
त्यस्तै तातोपानी गाँपालिकाले चारवटै शिर्षकबाट कुल ३२ करोड ५५ लाख अनुदान पाएको छ । जसमा समानीकरण अनुदान नौ करोड ७९ लाख, सर्शत अनुदान २२ करोड ६ लाख, विशेष अनुदान २० लाखसहित कूल साढे ३२ करोड अनुदान आएको छ ।
यहाँको तिला गाउँपालिकामा ३१ करोड ९६ लाख, पातारासी गाउँपालिकामा २७ करोड ७४ लाख, सिंजामा २७ करोड ६० लाख र हिमा गाउँपालिकामा २६ करोड ९४ लाख बजेट प्राप्त भएको यहाँका स्थानीय तहले जनाएकाछन् । सरकारबाट विस्तार बजेट घटेर स्थानीय तहमा आउने गरेको छ ।
वितेका आर्थिक वर्षहरु भन्दा यो वर्ष विभिन्न शीर्षकमा आउने अनुदानसमेत घटेर स्थानीय तहमा बजेट आएको छ । विकास योजनालाई सही रुपमा कार्यान्वयमा समस्या आउने सिंजा गाउँपालिका अध्यक्ष पुर्ण प्रसाद धितालले जानकारी दिनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
