हिटाकर्मी शेर्पालाई ‘उत्कृष्ट पत्रकारिता पुरस्कार’

हिमालय टाइम्स कालिकोट, संवाददाता

Wednesday May 1, 2024

हिमालय टाइम्स कालिकोट, संवाददाता

Wednesday May 1, 2024

Read Time = 2 mins

डिजिटल संस्करण

कोशी प्रदेश

प्रदेश समाचार

A A- A+

खोटाङ । नेपाल आदिवासी जनजाति महासंघ जिल्ला समन्वय परिषद खोटाङले हिमालय टाईम्सकर्मी चिसाङ शेर्पालाई पुरस्कार प्रदान गरेको छ ।

महासंघको चौथो जिल्ला अधिवेशन उद्घाटनको अवसरमा बुधबार समिक्षालय हल दिक्तेलमा शेर्पालाई पुरस्कार प्रदान गरेको हो ।

दिन र रातको प्रवाह नगरी अहोरात्र निश्पक्ष समाचार प्रवाह गरी पत्रकारिता क्षेत्रमा पु-याएको योगदानको उच्च कदर गर्दै पाँच हजार राशीको ‘उत्कृष्ट पत्रकारिता पुरस्कार’ प्रदान गरिएको आदिवासी जनजाति महासंघ जिल्ला समन्वय परिषद खोटाङका अध्यक्ष फुर्वा दोर्चि शेर्पाले बताउनुभयो ।

पत्रकार शेर्पालाई कार्यक्रमका प्रमुख अतिथि आदिवासी जनजाति महासंघ संघीय परिषद उप–महासचिव रामकृष्ण ब्लोन तामाङ र महासंघका जिल्ला अध्यक्ष शेर्पाले सम्मान पत्र र नगद प्रदान गर्नुभएको छ ।

दिक्तेल रुपाकोट मझुवागढी नगरपालिका–१३ नुनथला घर भएका शेर्पा २०६५ सालबाट पत्रकारितामा क्रियाशिल हुनुहुन्छ ।

तेश्रो अधिवेशनमा पत्रकार दमन राईलाई ‘उत्कृष्ट पत्रकारिता पुरस्कार’ प्रदान गरिएको आदिवासी जनजाति महासंघ जिल्ला समन्वय परिषद खोटाङका सचिव उदिमकुमार राईले जानकारी दिनुभयो ।

सरोकार

यो खबर पढेर तपाईलाई कस्तो महसुस भयो ?