काठमाडौं । सोमबार एक कार्यक्रमबीच साहित्यकार राम लामाद्वारा लेखिएको संस्मरणात्मक पुस्तक ‘स्मृतिका बिम्बहरू’ लोकार्पण भएकको छ । सुरभि साहित्य प्रतिष्ठान आयोजक रहेको उक्त पुस्तक लोकार्पण समारोहमा साहित्यकार तथा त्रिभुवन विश्वविद्यालयका नेपाली विभागका पूर्वप्रमुख प्रा.डा.खगेन्द्रप्रसाद लुइँटेल प्रमुख अतिथि तथा विशेष अतिथि पूर्वसचिव तथा साहित्यकार गोपी मैनाली रहनुभएको थियो । सुरभि साहित्य प्रतिष्ठानका अध्यक्ष तथा साहित्यकार बाजुराम पौडेलको सभापतित्वमा आयोजित कार्यक्रममा अदित चापागाईंले स्वागत मन्तव्य राख्नुभएको थियो ।
समालोचक गोपी मैनाली तथा युवराज मैनालीले पुस्तकमाथि समालोचात्मक टिप्पणी गर्नुभएको थियो भने कार्यक्रममा वरिष्ठ साहित्यकार तथा पत्रकार विजय चालिसे, तारा बराल, कलाकार आकाश अधिककारी, रामप्रसाद पन्त, केनी पाण्डे, लीला लुइँटेल लगायतका व्यक्तिहरुले शुभकामना मन्तव्य राख्नुभएको थियो ।
ADVERTISEMENT
दुर्गाराज पाण्डेद्वार सञ्चालित उक्त कार्यक्रमको अन्त्यमा प्रमुख अतिथि प्रा.डा.लुइँटेलले संस्मरण साहित्य, लेखक राम लामा र उहाँको कृति सम्बन्धमा आफ्नो विचार व्यक्त गर्नुभयो भने पत्रकार अच्युत घिमिरेले धन्यवाद ज्ञापन गर्नुभयो ।
अमेरिकामा रहेर व्यापार व्यवसाय गर्नुका साथै साहित्य सिर्जनासमेत गर्दै आउनुभएका लामा अमेरिकामै भएका कारण उपस्थित हुनुभएको थिएन । उहाँको लिखित विचार दीपक समिरले कार्यक्रममा वाचन गरेर सुनाउनु भएको थियो । दरबारमार्गस्थित होटल उडल्याण्डमा आयोजित उक्त कार्यक्रमका अन्त्यमा सभापति पौडलले आफ्नो विचार व्यक्त गर्नुका साथै कार्यक्रमको समापन गर्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच