नयाँ दिल्ली । पूर्वी भारतको विहार राज्यमा बुधबार अटोरिक्सा र ट्रक एकापसमा ठोक्किदा कम्तीमा ९ जनाको मृत्यु भएको छ भने अन्य ६ जना गम्भीर घाइते भएका छन् ।
विहारको राजधानी पटनाबाट करिब १३६ किलोमिटर दक्षिणपूर्वमा रहेको लखीसराय जिल्लाको बिहरारुरा गाउँ नजिकै लखिसराई–सिकन्द्र राजमार्गमा सो दुर्घटना भएको हो ।
“आज बिहान सबेरै विपरित दिशाबाट आउँदै गरेको अटोरिक्सालाई ट्रकले ठक्कर दियो। दुर्घटनामा ८ जनाको घटनास्थलमै मृत्यु भयो भने रिक्सा चालकको उपचारका क्रममा अस्पतालमा मृत्यु भयो,“ वरिष्ठ प्रहरी अधिकारीले बताएका छन् । घाइते ६ जना घाइतेलाई अस्पताल भर्ना गरिएको र उनीहरूको अवस्था गम्भीर रहेको बताइएको छ ।
ADVERTISEMENT
दुर्घटनामा मारिएकाहरू विवाह समारोहम सरिक भएर घर फर्किदै थिए । मध्यरातको समयमा सडकमा चहलपहल कम भएकाले दुवै सवारीसाधन तीव्र गतिमा गुडिरहेको हुन सक्ने प्रहरीले जनाएको छ ।
ठक्करबाट अटोरिक्सा पूर्णरूपमा चकनाचुर भएको छ । भारतमा प्रायः यात्रुको अत्यधिक चाप, सडकको खराब अवस्था र लापरवाहीका कारण घातक सडक दुर्घटना हुने गरेको छ । भारतमा हरेक वर्ष करिब ५ लाख सडक दुर्घटनामा करिब एक लाख ५० हजार मानिसको मृत्यु हुने गरेको अधिकारीहरूले बताएका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा