खोटाङ । खोटाङमा यसवर्ष ३७ करोड ३५ लाख बराबरको सुन्तला उत्पादन भएको छ । आर्थिक वर्ष २०८०/०८१ मा जिल्लाभर ३ हजार ७३५ मेट्रिक टन सुन्तला उत्पादन भएको हो ।
उत्पादन भएको कूल सुन्तला प्रतिकेजी १०० रुपैयाँका दरले हिसाब गर्दा ३७ करोड ३५ लाख बराबरको उत्पादन भएको कृषि ज्ञान केन्द्र खोटाङका सूचना अधिकारी एवम् कृषि प्रसार अधिकृत सन्जय कुमार पण्डितले जानकारी दिनुभयो।
जिल्लाभरी ८१० हेक्टर क्षेत्रफलमा सुन्तला लगाईए पनि यसपाली ७४२ हेक्टर क्षेत्रफलको सुन्तलाले उत्पादन दिएको थियो। उत्पादित सुन्तला धरान, विराटनगर, काठमाण्डौ, धनकुटासम्म निर्यात भएको थियो ।
ADVERTISEMENT
अन्य जिल्लाहरुको भन्दा खोटाङको सुन्तला स्वादिलो र मिठो भएकाले व्यापारीहरुले सिधै बगैँचामा आएर लगेका थिए । अहिले प्राविधिकहरुले पनि चासो दिएर सुन्तलाको हेरचाह गरेकाले रोग नलागेकाले सुन्तला खेतीमा किसानहरु हर्षित देखिएको कृषि प्रसार अधिकृत पण्डितले बताउनुभयो । किसानहरु बगैँचा व्यवस्थानमा समेत मेहनतसाथ लागेको उहाँको भनाई छ ।
ज्ञान केन्द्रका अनुसार जन्तेढुंगा गाउँपालिमा सबैभन्दा धेरै ५.६३ मेट्रिक टन सुन्तला उत्पादन भएको थियो । दिक्तेल रुपाकोट मझुवागढी नगरपालिकामा ४.९०, हलेसी तुवाचुङ नगरपालिकामा ५.२६, रावाबेशी गाउँपालिकामा ५.२९, ऐसेलुखर्क गाउँपालिकामा ४.१३, केपिलासगढी गाउँपालिकामा ४.४०, साकेला गाउँपालिकामा ४.५८, दिप्रुङ चुईचुम्मा गाउँपालिकामा ५.५०, खोटाङ गाउँपालिकामा ५.२० र बाराहापोखरी गाउँपालिकामा ५.२६ मेट्रिक टन सुन्तला उत्पादन भएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry